Radioja Kombëtare Bullgare © 2020 Të gjitha të drejtat janë të rezervuara

Ngjarjet me adresë ballkanike

Presidenti i Maqedonisë së Veriut bëri urime për rimëkëmbjen e unitetit të shtetitFoto: BGNESNë një përshëndetje drejtuar qytetarëve me rastin e 8 shtatorit – Ditës së Pavarësisë së Republikës së Maqedonisë së Veriut Presidenti Stevo Pendarovski i uroi vendit që të rimëkëmbë  unitetin e tij që nga fillimi i pavarësisë së saj. “Në vitin 1991 ne e zgjodhëm pavarësinë, kurse në vitin 2001 – bashkëjetesën ndëretnike, ndërsa sot jemi para portave të institucioneve evropiane dhe euroatlantike. Kemi nevojë për pajtim civil, ndërsa që të kemi pajtim të qëndrueshëm kemi nevojë për drejtësi efektive dhe institucione të ndershme shtetërore, deklaroi Presidenti.

Athina është duke ndjekur një politikë të re për refugjatëtFoto: BGNES Kryeministri grek Kiriakos Mitsotakis deklaroi në një konferencë shtypi në Selanik se politika e qeverisë së tanishme greke për refugjatët është e ndryshme nga ajo e qeverisë së kaluar. Mitsotakis theksoi se “duhet të aplikohet marrëveshja mes BE-së dhe Turqisë dhe të fillojë kthimi i migrantëve”. Problemi i refugjatëve është evropian dhe jo dypalësh dhe Presidenti turk Recep Erdoğan duhet të kuptojë se nuk mund të kërcënojë Greqinë dhe Evropën, duke u përpjekur të sigurojë më shumë mjete për zgjidhjen e çështjes së refugjatëve. Logjika kryesore e Athinës sa i përket politikës së refugjatëve është se në kuadrin e marrëveshjes së vet me BE-në Turqia ka marrë nga Evropa gjashtë mlrd euro dhe duhet të zbatojë angazhimet e ndërmarra.

Në qoftë se Kosova hyn në Interpol, atëherë Ministri serb i Punëve të Jashtme do të japë dorëheqjeFoto: BGNESNë sesionin e Interpolit gjatë tetorit ka të ngjarë që Kosova të mos aderohet në këtë organizatë ndërkombëtare, deklaroi Ministri serb i Punëve të JashtmeIvica Daçiç dhe shtoi se në qoftë se Kosova hyn në Interpol ai do të japë dorëheqje. Ministri vuri në dukje se 15 shtete tashmë e kanë tërhequr njohjen e Kosovës dhe pritet që së shpejti këtë ta bëjnë dhe shtete të tjera. Kosova shpalli pavarësinë e vet në vitin 2008 dhe aktualisht është e njohur nga shumica e vendeve-anëtare të BE-së dhe nga SHBA-ja. Sipas Daçiçit nga 116 vendet, të cilat e kanë njohur Kosovën, do të mbeten më pak se 96.

Bullgaria i dërgoi Turqisë një të dyshuar për terrorizëmFoto: aa.com.trMë 7 shtator Sofja i ka dorëzuar Turqisë një të dyshuar për veprime terroriste, i cili ka provuar të kalojë në mënyrë ilegale nga Turqia në Bullgari, bëri të ditur gazeta “Hürriyet”. I ndaluari ka ndalesë ndërkombëtare për të udhëtuar për shkak të veprimtarisë propagandistike të lidhur me PKK-në dhe të krimeve të ndryshme. PKK-ja konsiderohet si organizatë terroriste e Turqisë, SHBA-së dhe BE-së. Mendohet se ajo është e përgjegjshme për vdekjen e afro 40 000 vetave në Turqi, përfshi këtu gra dhe fëmijë.

Një Gay Paradë në Sarajevë nguli këmbë për ndalimin e urrejtjesFoto: BGNESAfro 2000 veta zhvilluan ditën e diel një paradë homoseksuale me thirrje për ndalimin e urrejtjes në Bosnjë kundër bashkësisë homoseksuale. Mbi 1000 policë, përfshi këtu nëpunësit e forcave për luftimin e trazirave, u dërguan për të bllokuar rrugët në itinerarin e paradës në qendër të qytetit. Ndër pjesëmarrësit kishte edhe ambasadorë të disa shteteve perëndimore, ndër të cilat Britania e Madhe, Franca, Italia dhe SHBA-ja.

Përpiloi: Stoimen Pavllov

Përgatiti në shqip: Vesella Mançeva

Më shumë nga rubrika

Cilësia e jetesës në Bullgari është një madhësi relative

Prej viteve Bullgaria “mban” vendet e fundit për nga cilësia e jetës në Bashkimin Evropian. Dhe në qoftë se kishte kohë, në të cilën ne e linim pas vetes Rumaninë, tanimë jemi të fundit në Evropë. Sipas të dhënave të Eurostatit, 54% prej bullgarëve janë..

botuar më 20-08-05 2.48.MD

Në krahasim me BE-në Bullgaria ka një ekonomi relativisht të mirë dhe nivel të ulët të cilësisë së jetesës

“Në indeksin e arritjes 2019” Bullgaria është në vend të 29 me 36 pika. Vendi paraqitet më mirë në kategoritë “Ekonomi” – në vend të 28 me 40 pika dhe në “Administrimi” – gjithashtu në vend të 28 me 28 pika. Më keq jemi paraqitur në kategorinë..

botuar më 20-08-04 10.45.PD
Muzeu i Shkencave Natyrore

Muzeu i Shkencave Natyrore ofron shëtitje 3D nëpër arkivat e tij

Muzeu i Shkencave Natyrore pranë Akademisë Bullgare të Shkencave në Sofje tashmë u ofron adhuruesve të shkencave natyrore një shëtitje virtuale 3D. Në një sipërfaqe prej 1800 metrash katrorë janë paraqitur mostra të shumëllojshmërisë..

botuar më 20-08-03 4.49.MD