Kryetarja e Bashkisë së Sofjes Jordanka Fandëkova paraqiti në një briefing një projekt të Bashkisë së Sofjes, i cili parashikon ndërtimin në kryeqytet të një shtegu të gjatë 3 km për çiklizëm. Një pjesë e madhe prej tij do të kalojë në një mjedis parku. Ky është segmenti i parë i unazës së gjelbër të Sofjes, i cili do t’i lidhë lagjet Izgrev dhe Sllatina. Shtegu për çiklizëm do të kalojë në vijën e demontuar hekurudhore. Ideja është që ajo t’i lidhë të gjitha lagjet e kryeqytetit me parqet e qytetit. Sipas bashkisë projekti mund të realizohet që vitin tjetër. Ju rikujtojmë se më 27 tetor të këtij viti në vend do të zhvillohen zgjedhje lokale.