“Kodi PIK, i cili i jepet secilit klient të sistemit të Agjencisë Kombëtare të të Ardhurave është mbrojtja më e dobët e mundshme”, tha kryetari i Agjencisë shtetërore “Qeverisja Elektronike” Atanas Temellkov para komisionit të përkohshëm në Kuvend që merret me sqarimin e rrethanave të lidhura me vjedhjen e të dhënave personale të pesë milionë përdoruesve të sajtit të agjencisë tatimore.

“Bullgaria harxhon 0,1% prej Produktit të Brendshëm Bruto për sigurinë e informacionit dhe kjo është një pjesë shumë e vogël në krahasim me mjetet që i sigurojnë për këtë qëllim shtetet e tjera”, shpjegoi ai. Sipas fjalëve të Temelkovit ndër arsyet për sulmin e kryer kibernetik në bazën e të dhënave të Agjencisë Kombëtare të të Ardhurave janë hardueri i vjetër dhe “upgrade”-i i padrejtë i sistemit i bërë nga kompani të ndryshme të jashtme.