Mbështetja jonë për integrimin evropian të Maqedonisë Veriore  kurrë nuk ka qenë  pa kusht, deklaroi Ministrja bullgare e punëve të jashtme Ekaterina Zaharieva. Ka një kusht shumë të qartë dhe ai është marrëdhënia e fqinjësisë së mirë. Nuk ka sesi të synosh të bëhesh anëtar i Bashkimit Evropian dhe të kesh marrëdhënie të pazgjidhura me fqinjët. Ky nuk është vetëm një kriter bullgar, ky është një nga kriteret për anëtarësi në Bashkimin Evropian - marrëdhënie miqësore dhe të fqinjësisë së mirë, nënvizoi ministrja. Ne duam të zhvillojmë marrëdhëniet ekonomike dhe tregtare me Maqedoninë Veriore. Do të doja të shikoj më shumë medie bullgare në Maqedoni dhe ngjarje të përbashkëta në sferën e kulturës, shtoi ministrja Zaharieva.