Fëmijët nga grupi i njerëzve shkurtabiq janë 51. Ata kanë nevojë për përkrahje, që të marrin një arsim të shkëlqyeshëm dhe të integrohen më mirë. Për këtë qëllim do të organizohen mësime të mësuesve, të bashkënxënësve dhe të prindërve të tyre, tha zëvendës ministrja e arsimit Denica Saçeva në kuadrin e takimit regjional “Shanse të barabarta për njerëzit shkurtabiq në Bullgari”.

Supozohet se në Bullgari shkurtabiqët janë përafërsisht 200 veta, shumica prej të cilëve anëtarësojnë në Organizatën Kombëtare “Njerëz Shkurtabiq Bullgarë”. Një anketim i 100 anëtarëve të organizatës tregon, se 45 prej tyre punojnë. “Ata janë të punësuar kryesisht si asistentë teknikë ose plotësojnë detyra jo fizike. Ka mësues, llogaritarë, mjekë”, tha Svetosllav Çernev, president i organizatës. “Në transportin urban njerëzit me trup përafërsisht 130 centimetra nuk mund të marrin frymë në se nuk janë pranë dritares ose nuk janë të ulur”, shpjegoi Çernevi.

25 tetori është Dita Botërore për informim mbi problemet e njerëzve shkurtabiq.