Temën e socializmit shtetëror në Evropë e diskutojnë shkencëtarë nga tri kontinente në një konferencë të posaçme në Sofje. Organizator është Instituti i Etnologjisë dhe Folkloristikës pranë Akademisë Bullgare të Shkencave. Janë të ftuar më se 100 shkencëtarë nga Evropa, Azia dhe Amerika Veriore. Arsyeja për organizimin e këtij forumi shkencor ishte përvjetori i 30-të nga heqja e Perdes së Hekurt.

Temat që diskutohen kanë të bëjnë me kulturën e përditshme dhe me mënyrën e jetesës në kohën e socializmit pra kulturë materiale, ushqim, modë, kinema, muzikë, kohë të lirë, feja, politika ateiste. Marrëdhëniet midis sekseve, fëmijëri dhe kultura rinore si dhe rëndësia e monumenteve, muzeve dhe trashëgimisë socialiste në mjedisin urban gjithashtu janë në qendrën e vëmendjes së shkencëtarëve. Ndër pjesëmarrësit ka si shkencëtarë të njohur, ashtu edhe studiues të rinj kontakti i të cilëve me socializmin është vetëm nëpërmjet arkivave.