Filloi vizita zyrtare dyditore e Zv.Kryeministres dhe Ministres së punëve të jashtme Ekaterina Zaharieva në Namibi me ftesë të Zv.Kryeministrit të Namibisë, i cili është edhe Ministër i marrëdhënieve ndërkombëtare dhe bashkëpunimit Netumbo Nandi-Ndaitwah. Zaharieva do të takohet dhe me Presidentin Hage Gottfried Geingob, me ministra të tjerë nga qeveria dhe me njerëz, të cilët kanë mbaruar arsimin e tyre të lartë në Bullgari.

Pritet se Zaharieva do të diskutojë aktivizimin e kontakteve të biznesit me Namibinë dhe rivendosjen e marrëdhënieve ndërmjet të dyja vendeve në fushën e arsimit, në mënyrë që në Bullgari përsëri të vijnë të rinj për të studiuar në universitetet tona. Për 6 muajt e parë të 2019-ës tregtia ndërmjet të dyja vendeve përfshin vetëm eksport bullgar me vlerë 84.3 mln. dollarë amerikanë – kryesisht akumulatorë, xeheror bakri dhe produkte biologjike.