Shtëpia në Vjenë e një prej këngëtareve më të mëdha operistike bullgare Gena Dimitrova do të mbajë emrin e saj. Në këtë mënyrë shoqata për kulturë dhe art “Mjellma ngjyrëvjollcë” do të nderojë bullgaren, e cila ka kënduar në një skenë me këngëtarët më të famshëm të operës të shekullit të kaluar. Vendosja e përkujtimores mbi godinën e Muhlgasse 22 do të mbahet më 14 dhjetor në prani të ambasadorit bullgar Ivan Sirakov dhe të Kryetarit të Shoqatës Aleksandër Aleksandrov. Pas kësaj në Sallën e Ballos të Konservatorit – jo larg shtëpisë së yllit të operës, do të prezantohet dokumentari “Dashuri për Genën” i Dimitër Sotirovit. Atje banorët e Vjenës do të shohin interpretime të Gena Dimitrovës bashkë me Liciano Pavarotti,José Carreras, Anna-Tomova Sintova dhe këngëtarë të tjerë të njohur. Bullgarja e ka pëlqyer Vjenën për shkak të qetësisë së qytetit, tha vajza e saj Milena Stojkova.