Mijëra studentë, aktorë dhe adhurues u mblodhën rreth godinës së Teatrit Populor “Ivan Vazov” në qendrën e Sofjes, për t’i dhënë lamtumirën e fundit aktorit të madh bullgar Stefan Danaillov. Ai vdiq disa ditë para se të mbushë 77 vjeç. Njerëzit pohojnë se humbja për kulturën tonë është e madhe dhe se aktori ka jetuar një jetë plot me dinjitet dhe mirësi.

Në karrierën e tij të gjatë Danaillovi ka luajtur mbi 150 role në kinema, teatër dhe prodhime televizive, të cilat i kanë sjellë çmime të shumta në Bullgari dhe jashtë vendit. Ai ishte profesor në akademinë e artit teatral dhe kinematografik në Sofje, deputet në disa legjislatura dhe ministër i kulturës. 8 vite me radhë ai ishte dhe drejtues i një rubrike të vet në Radion Kombëtare Bullgare.