24 milion euro për Radion Kombëtare Bullgare dhe 36 milion euro për Televizionin Kombëtar Bullgar – ato janë shumat e parashikuara për mediat publike në buxhetin shtetëror për vitin 2020. Partia Socialiste Bullgare propozoi një model të ri të financimit të mediave publike, i cili do të ndihmojë krijimin e fondit “Radio e televizion”. Ideja është që shteti të lidhë financimin e Radios Kombëtare Bullgare dhe Televizionit Kombëtar Bullgar me produktin e brendshëm bruto të vendit dhe ai të jetë 1.5 promil prej tij. Për vitin 2018 produkti i brendshëm bruto i vendit është pak mbi 55 miliard euro. Tani subvencionimi i mediave publike caktohet nga ministri i financave. Nga Partia Socialiste Bullgare propozojnë që fondi “Radio dhe televizion” të hyjë në fuqi që nga 2 janari i vitit 2021.