Më 27 dhjetor të vitit 1944 në moshën 80 vjeçare u nda nga jeta Petër Dënovi, të cilin pasardhësit e tij e quanin Beinsa Duno ose Mësuesi. Dënov ishte filozof, themelues i mësimit fetar-filozofik dhe i lëvizjes së Vëllazërisë së Bardhë mbarëbotërore, e cila përcaktohet si krishterim ezoterik. Shteti bullgar e konsideronte këtë mësim si fetar, prandaj ai u regjistrua nga Drejtoria e Feve si një fe e veçantë. Mësimi i dashurisë, i urtësisë, i së vërtetës, të cilën Dënovi e predikonte, përbën një varg të pafundmë të kompromiseve, sepse dashuria është kompromis, tha në një intervistë për Radion Kombëtare Bullgare – kryetari i Vëllazërisë së Bardhë Sllavi Sllavov.