Në kuadrin e ceremonisë së inaugurimit të bazës së re ushtarake egjiptiane “Bernis” në bregun e Detit të Kuq Kryeministri bullgar Bojko Borisov bisedoi me sheikun Mohammed bin Zayed Al Nahyan, i cili është trashëgimtari i fronit të emiratit Abu Dabi dhe Nënkomandant i Forcave të Armatosura të Emirateve të Bashkuara Arabe.

Gjatë takimit i ishte dhënë vlerësim të lartë bashkëpunimit dypalësh në kundërvënien e krimit të organizuar dhe terrorizmit, trafikut të narkotikëve dhe krimit kibernetik. Ishin diskutuar mundësitë për zhvillimin e lidhjeve në energjetikë, bujqësi, turizëm, fushat e inovacioneve dhe teknologjive të larta.