Radioja Kombëtare Bullgare © 2020 Të gjitha të drejtat janë të rezervuara

Kolovajza për fëmijët e “ndryshëm” të Bullgarisë – peshore të së mirës dhe të buzëqeshjeve fëmijërore

Çdo gjë filloi para rreth 1 viti në një kënd lojërash për fëmijët, ku lindi  ideja për një ekspozitë fotografike, kurse pas kësaj erdhi dhe ideja tjetër – për të ashtuquajturën kolovajzë-peshore, të përshtatura për fëmijët në karroca të invalidëve.

Ideja është e Anna Jonçevës – bashkëpunëtore teknike në një kompani të madhe për import automobilash, nënë e dy fëmijëve. Si çdo një prej nesh, ajo e di se në hapësirën publike relativisht shpesh flitet për fëmijët me mundësi të kufizuara fizike. Diskutohen kujdeset mjekësore, paratë e domosdoshme për jetën e tyre normale, për nevojat e tyre arsimore. Por, vështrimi i Annës ndaj tyre është vështrimi i një nëne, e cila shumë mirë e di sesa të rëndësishme janë lojërat në një moshë të herët dhe sa informacion “të padukshëm” këmbejnë dhe përvetësojnë  vogëlushët kur komunikojnë me vërsnikët e vet jashtë grupeve mësimore dhe  kopshteve të fëmijëve.

"Ideja nisi nga një ndodhi jo e mirë. Një bashkënxënës i vajzës sime i tha të mos të luajë me një vajzë në karrocë invalidi, sepse “është infektuese”. Në këtë moment unë vendosa se dua t’i fotografoj këta fëmijë, që të mund të tregoj , se ata janë si të gjithë të tjerët dhe t’i bëj “më të dukshëm”. Me qenë se nuk kam përreth fëmijë të tillë, bëra një grup në Facebook dhe aty përshkrova se cila është ideja. U shpërnda shumë shpejt dhe mbase një javë pas kësaj organizova ngjarjen e parë. U pamë në një park, erdhën dhe “modelët” e mi të parë, të cilët i fotografova dhe me të cilët u njohëm. Me kalimin e kohës fillova të organizoj takime, në të cilat kryesisht mbledhim fëmijë me nevoja specifike me vërsnikët e tyre. Ata bashkë mësojnë të luajnë dhe të komunikojnë normalisht. Qëllimi kryesor i këtij projekti është që këta fëmijë të tregohen, sepse për një pjesë të madhe të shoqërisë ata janë akoma të padukshëm. Për ta gjithmonë thuhet se vështirë gjendet vende,  të cilat janë të përshtatura për të lozur në këndet e lojërave, në kopshtet e fëmijëve, në shkolla... Kështu gjatë muajit gusht të vitit 2019 filloi një fushatë me titull “Të luajmë BASHKË”. Pak nga pak lindi dhe ideja për kolovajzat-peshore, gjë e cila është një mënyrë shumë e mirë për integrimin e “fëmijëve të ndryshëm”. Kjo kolovajzë e posaçme është e përshtatur për fëmijët, të cilët nuk mund të përdorin kolovajzat të zakonshme.

Për momentin ka gjashtë kolovajze të prodhuara, dy nga të cilat janë montuar – një në qytetin Sofja dhe një në qytetin Pleven. Do të vihen dhe në disa qytete të tjera Vraca, Stara Zagora, Sevlievo, Razgrad. Shpresoj të vihen të pakën edhe dy në kryeqytet. Për mua si  autore e projektit, më e mira është që ideja u mirëprit shumë mirë nga shoqëria. Të gjitha kolovajzat-peshore janë blerë me para të dhuruara nga njerëzit. Dua t’i falënderoj që të gjithët, të cilët më përkrahin. Vetëm një njeri nuk mund të bëjë asgjë."

Deri në këtë moment janë zhvilluar dy ekspozita të suksesshme, të cilat kontribuojnë për fitimin e parave të cilat vijnë në llogarinë e posaçme të fushatës. Shumë shpejt projekti do të shënojë një vit nga krijimi i tij. Kurse më 23 shkurt në City Stage u zhvillua një koncert i muzikës rok  për popullarizimin e idesë. Në përkrahje të fëmijëve patën shfaqje interpretues të njohur bullgarë Vasko Krëpkata, grupet The Case, Yambadon, Expose Team, Time Jugglers, si dhe grupi origjinal “Ballkanxhi”, muzika e të cilit është frymëzuar nga folklori bullgar. Anna Jordanova  shpreson se me paratë e mbledhura, si dhe me anë të bashkëpunimit me kryetarët e vendbanimeve të ndryshme, “peshoret  e së mirës dhe të buzëqeshjeve të fëmijëve” do të arrijnë deri tek të gjithë fëmijët “e ndryshëm”.

Përgatiti në shqip: Nataniela Vasileva

Foto: arkiv personal

Më shumë nga rubrika

Cilët prej dezinfektuesve janë efektivë kundër COVID-19

Që nga informacionet e para për përhapjen gjithnjë e më të gjerë të koronavirusit njerëzit filluan të blejnë sasi të mëdha preparatesh dhe xhelash dezinfektues. Në rrjetin e dyqaneve jo vetëm që u zvogëluan por edhe u zhdukën xhelat antibakterialë..

botuar më 20-03-30 11.57.PD

Karantina e koronavirusit ndryshoi vlerat

Më 13 mars Bullgaria shpalli gjendje të jashtëzakonshme për shkak të kërcënimit nga shpërndarja e shpejtë e koronavirusit. Një pjesë nga punëdhënësit, të cilët kishin mundësi, rregulluan ritmin e veprimtarisë së tyre dhe organizuan për nëpunësit e vet..

rinovuar më 20-03-29 10.15.PD

Skifterët kthetraverdhë u kthyen në Bullgari pas më shumë se 50 viteve

Skifterët kthetraverdhë (Falco naumanni) u kthyen në Bullgari në një kohë të vështirë, bëri të ditur ekipi i Qendrës Shpëtimtare për Kafshët e Egra “Ballkani i Gjelbër”. Duke respektuar strikt masat në lidhje me gjendjen e jashtëzakonshme të shpallur në..

botuar më 20-03-27 12.25.MD