70% nga bullgarët të cilët mësojnë jashtë shtetit dhe të cilët kanë marrë pjesë në forumet e karrierës, të organizuara nga Ministria Sociale gjatë vitit 2019, janë gati të kthehen në Bullgari. Në forumin e parë për vitin 2020 në Vjenë, 10% nga vizituesit kanë gjetur vende pune konkrete në atdhe. Më 7 mars në Londër është caktuar forumi i dytë i karrierës. Deri në vitin 2035 në Bullgari  do të rritet kërkimi i kuadrove me arsim të lartë në biznes, tha përpara Radios Kombëtare Bullgare zëvendës ministrja e punës dhe e politikës sociale Zornica Rusinova. Për shkak të Brexitit po vihet re një pakësim i numrit të studentëve dhe dëshirë për t'u kthyer në Bullgari. Tregu i punës ka ndryshuar. Aktualisht jo njerëzit kërkojnë punë, por punëdhënësit kërkojnë njerëz, mendon Rusinova.