Një lloj të ri të karbonit të aktivizuar i cili shfrytëzohet në maskat mbrojtëse për fytyrën krijuan në Institutin e Kimisë Organike pranë Akademisë Bullgare të Shkencave. Ky karbon nxirret nga bërthamat e kajsive të cilat janë një produkt që mbetet pas prodhimit. U zbulua se ky karbon ka aftësi tepër të forta absorbuese të baktereve dhe të viruseve. Prodhimi i maskave mjekësore në Bullgari ishte i vështirësuar për shkak të mungesës së karbonit të aktivizuar, tha kryeministri Borisov në një nga mbledhjet qeveritare. Pasi shkencëtarët e Akademisë Bullgare të Shkencave zgjidhën problemin duke krijuar këtë karbon aktiv, Kryeministri u urdhëroi ministrave të ekonomisë dhe të shëndetësisë Emill Karanikollov dhe Kirill Ananiev të kontraktojnë kushtet për prodhimin e maskave të tilla.