Në Turqi dhe Greqi presin një rendiment më të mirë të ullinjve

Vjelja e vajit të ullirit në Turqi do të jetë rekord. Lulëzimi intensiv i ullinjve u dha shpresë prodhuesve akoma në pranverë pas sezonit të dobët të kaluar, i cili rriti ndjeshëm çmimet e vajit të ullirit në tregun vendas dhe të huaj dhe çoi në një tkurrje të ndjeshme të konsumit. Lajmet për konfiskimet e rreme të vajit të ullirit janë bërë një temë e vazhdueshme në mediat turke gjatë muajve të fundit. Ekspertët e cituar nga Agjencia e Anadollit presin që rendimentet të tejkalojnë edhe vitin e favorshëm të këtij sektori 2022, kur në Turqi u prodhuan 420 mijë tonë vaj ulliri, krahasuar me vetëm 240 mijë tonë sezonin e kalua, njoftoi agjencia ANA-MPA. Parashikimi është për 250-280000 tonë, thotë kryetari i Organizatës Ndërdegëshe Kombëtare Manolis Janulis. Vitin e kaluar rendimenti ishte 130000 tonë.

Kroatët dhe myslimanët në Bosnje dhe Hercegovinë duan të jenë në BE, por serbët jo

71.2% e qytetarëve të Bosnjës dhe Hercegovinës janë pro hyrjes së vendit në BE. Mbështetja është më e fortë në Federatën Myslimano-Kroate - 83.8 për qind. Në Republikën Srpska, vetëm 48.3% do të votonin "po" në një referendum për anëtarësimin në BE, sipas një studimi të Drejtorisë për Integrimin Evropian të Bosnjës, të cituar nga agjencia HINA. Pas luftës së viteve 1992-1995, vendi u nda në dy pjesë gjysmë autonome - Republika Srpska, e populluar kryesisht nga serbët, dhe Federata Myslimano-Kroate, ku jetojnë myslimanët boshnjakë dhe kroatët. Rreth 40% e të pyeturve besojnë se Bosnja do të anëtarësohet në BE në 10 vjet. Pothuajse 25 për qind mendojnë se vendi nuk do të anëtarësohet kurrë. Sarajevës i është dhënë drita jeshile e kushtëzuar për fillimin e negociatave për anëtarësim në fund të vitit 2023, por ajo nuk i plotëson kriteret për integritetin shtetëror ndërmjet komuniteteve.

Rumania negocion me BE-në lejen për një deficit buxhetor më të lartë

Kryeministri rumun Marcel Ciolacu tha se ka diskutuar me Presidenten e Komisionit Evropian, Ursula von der Leyen, një marrëveshje për deficitin buxhetor të vendit për 7 vjet, raportoi televizioni Digi24. “E shpjegova shumë qartë se e duam këtë sepse investimet më të mëdha do të vijnë në vitin 2025 dhe 2026. Siç dihet, Plani Kombëtar i Rimëkëmbjes dhe Qëndrueshmërisë ka një afat deri në fund të vitit 2026 për sa u përket investimeve”, tha Ciolaku në Bruksel. Plani Kombëtar i Rimëkëmbjes dhe Qëndrueshmërisë së Rumanisë parashikon financim të BE-së për 28.5 miliardë euro. 14.9 miliardë janë kredi dhe 13.6 miliardë janë grante. Për shumë nga projektet në plan, bashkëfinancimi nga shteti rumun është ndërmjet 40 dhe 60%. Deficiti buxhetor i Rumanisë tejkalon pragun prej 3% të BE-së që nga viti para pandemisë 2019, kur ishte 4.8% e PBB-së.

Pas kancelarit Olaf Scholz dhe presidentit Emmanuel Macron do të shkojë në Beograd

Presidenti francez Emmanuel Macron do të vizitojë Serbinë më 29 dhe 30 gusht. Vizita do të "riafirmojë mbështetjen e Francës për të ardhmen evropiane" të Beogradit, raportoi AFP. Pas vizitës zyrtare të presidentit serb Aleksandër Vuçiq në Paris në prill, takimi i ri do t'u japë dy presidentëve mundësinë për të diskutuar çështje nga ekonomia, shëndetësia, energjia, kultura dhe inteligjenca artificiale, njoftoi Pallati Elysée. Në pranverë, Macron tha se e ardhmja e Serbisë është në BE dhe "askund tjetër". Ai i bëri thirrje Kosovës dhe Beogradit që të përmbushin angazhimet e tyre dhe të "shkojnë më tej" drejt normalizimit të marrëdhënieve. Në fillim të gushtit, Franca dënoi "veprimet e shpeshta të njëanshme të autoriteteve të Kosovës". Serbia nuk e njeh shtetin e Kosovës, ndërsa BE-ja është ndërmjetës në negociatat mes Beogradit dhe Prishtinës.

Greqia do të luftojë krizën e strehimit me para që priten nga BE

Qeveria në Athinë po kërkon mënyra se si të përdorë gati 600000 shtëpitë dhe apartamentet bosh për të rritur ofrimin e banesave dhe për të frenuar rritjen e çmimeve. Kryeministri Kyriakos Mitsotakis do të prezantojë një plan për këtë më 7 shtator në hapjen e Panairit të Selanikut. Autoritetet kanë shpallur tashmë fazën e dytë të programit "Shtëpia ime", i cili synon të subvencionojë familjet e reja. Ideja është që Fondi i BE-së për Rimëkëmbjen dhe Qëndrueshmërinë të sigurojë 1.7 miliardë euro për këtë. Athina dëshiron gjithashtu të rrisë kufirin e moshës për përfituesit e ndihmës në 50 nga 40 vjeç. Qeveria e konsideron çështjen urgjente sepse çmimet e pronave e bëjnë blerjen dhe marrjen me qira të një shtëpie të papërballueshme. Autoritetet gjithashtu besojnë se pronat bosh janë një fushë për evazion fiskal, shkruan Kathimerini.

Përpiloi: Ivo Ivanov

Foto: EPA/ BGNES, EPA-EFE, AFP, dimokratiki.gr

Përgatiti në shqip dhe publikoi: Vesella Mançeva