“Jemi afër krijimit të vaksinës kundër koronavirusit. Dyshimet janë të shumta – a do të sigurojë mbrojtje të sigurt, apo vetëm do të çojë në një formë më të lehtë të sëmundjes”, komentoi para mikrofonit të BNR-së drejtori i Qendrës Kombëtare për Sëmundje Ngjitëse dhe Parazitare prof. Todor Kantarxhiev.

Në trupin e njeriut formohen dy vatra – në traktin e sipërm respirator dhe në mushkëri. Më virulente dhe vdekjeprurëse është infeksioni në mushkëri, por prej mushkërive virusi vështirë mund të infektojë njerëz të tjerë. Më ngjitës është  virusi në hundë dhe fyt, por ai shkakton më pak dëme për organizmin. Kështu shpjegohet dobësimi i shfaqjeve të virusit dhe i forcës së tij vdekjeprurëse në krahasim me muajt e parë të përhapjes së Covid-19, shpjegoi Kantarxhievi.