Me dy kryqëzime kyçe të bllokuara – në” Orlov most”/ura e Shqiponjave/ dhe nëpër bulevardin “Car Osvoboditel” në afërsi me Presidencën, u gdhi Sofja pas ditës së 21 të protestave. Kërkesat janë për dorëheqjen e qeverisë, të prokurorit të përgjithshëm Ivan Geshev dhe për votim elektronik. Në kryqëzimet protestuesit kanë hapur çadra. Drejtori i Drejtorisë së Punëve të Brendshme të Sofjes komisari i lartë Gjeorgji Haxhiev personalisht ka biseduar me protestuesit dhe u ka drejtuar lutje  të mos bllokojnë lëvizjen, meqenëse u pengojnë qytetarëve të tjerë të shkojnë në punë, transmetoi Televizioni Kombëtar Bullgar. Përpara minutave në brifingun e zhvilluar Haxhiev  paralajmëroi se, sot pret probleme serioze me lëvizjen nëpër kryeqytet dhe se ka rrezik për ndeshje fizike midis protestuesve dhe qytetarëve të tjerë. Protesta ka dhe në një sërë qytetesh të tjera në vend - në Varna, Plovdiv, Burgas, Ruse e të tjera.

Më 29 korrik, ditën e mërkurë, protesta të bullgarëve kishte dhe në Londër dhe në Këln, kurse për këtë të diel - 2 gusht, aksione të protestës të bashkatdhetarëve tanë organizohen në Vjenë, Londër, Berlin, Oslo, Madrid, Pragë, Montreal, Toronto dhe Athinë, transmetoi kanali televiziv-BTV.