Radioja Kombëtare Bullgare © 2021 Të gjitha të drejtat janë të rezervuara

Sistemi shëndetësor në Bullgari po punon mbi pragun e tij të qëndresës dhe të durimit

Foto: BGNES

Në sfondin e statistikës për të sapo infektuarit me Covid-19, apeleve për një respektim të përpiktë të masave, që të mos të rritet presioni mbi spitalet, rasti tragjik përpara spitalit universitar në qytetin e dytë bullgar për nga madhësia Plovdiv dha një perspektivë të re rreth mendimeve reflektuese mbi kujdesin shëndetësor në vendin tonë.

Dy pacientë me koronavirus vdiqën përpara spitalit, pas një pritjeje të gjatë që të pranohen për një trajtim intensiv në repartin e specializuar. Prokuroria e reflektoi çështjen në vetvete, duke treguar gjendjen e sistemit të kujdesit shëndetësor në Bullgari. Gjendja është tepër shqetësuese jo që dje, për sistemin e pa reformuar alarmoi dhe ministri i resorit  profesor Kostadin Angellov, sipas të cilit momenti tani nuk është i përshtatshëm për reforma radikale.

“Nuk gjendemi në një situatë normale dhe shpejt ajo nuk do të bëhet më e mirë, sepse punojmë mbi pragun e rezistencës së sistemit shëndetësor” komenton përpara Radios Kombëtare Bullgare Petër Galev, drejtori i komunikimeve mjekësore në CREDOweb, një platformë për komunikim midis mjekëve. Ai vuri në dukje se rasti tragjik në Plovdiv është tregues për gjendjen e sistemit të shëndetësisë në Bullgari dhe shprehu supozimin se raste të ngjashme do të rastisin dhe gjatë muajve të ardhshëm.

“Kjo që po ndodh është rezultat i mungesës së specialistëve të mjaftueshëm mjekësorë në Bullgari - mjekë, infermiere dhe sanitarë. Ne jemi me të drejtë të zemëruar dhe të dëshpëruar, por në fakt  duhej të ishim të shqetësuar prej shumë kohe e këtej, përpara se të arrihet kjo krizë me pandeminë. Prej viteve flasim se në Bullgari nuk ka mjekë dhe infermiere, por shoqëria jonë nuk bën asgjë, që të ndryshojë kjo gjë. Sepse shikoni njoftimet për punë nëpër dyqanet - çfarë rrogash propozojnë, kurse një mjek fillestar fillon me 800 leva rrogë /400 euro/. Në këtë gjendje nuk ka sesi ai të qëndrojë në Bullgari”.

Spitalet vazhdimisht njoftojnë për një domosdoshmëri prej infermiereve, sanitarëve dhe mjekëve. Dhe në qoftë se sanitarët mundet të arsimohen për një periudhë relativisht të shkurtër kohe, jo kështu qëndron çështja me përgatitjen profesionale të mjekëve dhe infermiereve, për të cilën duhen vite.

“Një gjë tjetër është se në vet arsimin e mjekësisë ka shumë deficite të rënda - konstaton Petër Galev. Asnjë nuk i mëson mjekët për të qenë të ndershëm, ndërsa arsimi mjekësor u bë teknologjik. Sistemi i shëndetësisë po kështu u bë i orientuar nga ana tregtare dhe teknologjike, kurse shumë nga pedagogët e mjekëve të ardhshëm nuk u kushtojnë një vëmendje të mjaftueshme, sepse nuk janë motivuar që t’i arsimojnë. Thonë se do të shtohet numri i studentëve, të cilët do të mësojnë mjekësi ose për infermiere. Por, në qoftë se nuk gjendet mekanizëm, kështu qe pedagogët t’i jenë përkushtuar krejtësisht arsimit, dhe jo kjo të jetë veprimtaria e tyre e tretë ose e katërt, asgjë e mirë nuk na pret”.

Sipas fjalëve të Petër Galevit aktualisht “e gjithë bota gjendet në një gjendje lufte në mjekësi në sistemet shëndetësore”. Dhe kazuse të ngjashme tragjike rastisin kudo. Çdo një prej nesh ka përgjegjësi dhe nga sjellja e çdo njërit prej njerëzve në shoqëri - nëse do të vërë maskë dhe do të respektojë distancën e duhur dhe do t’i dezinfektojë duart - varet nëse do të mbingarkohet sistemi dhe do të lejohen akoma raste të tjera tragjik, sepse kur është i mbingarkuar një sistem, ai nuk funksionon normalisht.”

Përpiloi: Elena Karkallanova /intervistë e Ljudmilla Zhelezovës – BNR - programi “Horizont”/

Përgatiti në shqip: Nataniela Vasileva


Më shumë nga rubrika

Vajza e doktorit Shoayb - Karolin Mishell po kështu ka nisur rrugën e babit të saj dhe pas një vit stazh tek ai në Spitalin “Shejnovo” tani po specializon në Gjermani

Kujdesi për lehonat në kushtet e pandemisë

Më 21 janar, menjëherë pas ditës së Shën Joan Pagëzorit, sipas stilit të vjetër, festojmë Ditën e Gjyshes Mami, për nder të grave të moshuara, të cilat u kanë ndihmuar dikur nënave gjatë lindjes. Në ditët tona festa tanimë ka humbur një pjesë të..

botuar më 21-01-21 4.34.MD

Bullgaret nga Taraklija shënojnë Ditën e Gjyshes Mami

Bullgare besarabe nga qyteti moldavian Taraklija shënojnë Ditën e Gjyshes Mami, një festë me rrënjë të thella të ruajtura edhe më sot, transmetoi BTA. Kjo ditë gratë besarabe rikrijojnë zakonet e vjetra të cilët tregojnë respektin ndaj grave..

botuar më 21-01-21 3.32.MD

Tipi i ri i koronavirusit përbën një rrezik të madh

I ashtuquajturi variant anglez i Covid-19 tanimë është tek ne dhe do të fillojë të grumbullojë shpejtësi, paralajmëruan autoritetet shëndetësore në brifingun e rregullt të Shtabit Operativ Kombëtar. Tani për tani është e sigurt se pas datës 31..

botuar më 21-01-21 2.24.MD