Programi i ditës

Qyteti Stara Zagora është finalist për “oskarët” turistikë ballkanikë

Foto: Emill Ençev

Një prej qyteteve më të vjetra në Evropë – Stara Zagora, është finalist në kategorinë “Bashkia e madhe me kontribut në turizëm” të Çmimeve Ballkanike të Industrisë së Turizmit për vitin 2020, të cilat do të dorëzohen në një ceremoni zyrtare në Sofje më 21 dhjetor, në rast zhvillimi të favorshëm të situatës rreth Covid-19.

Me historinë e vet mijëvjeçare (8000 vjet) Stara Zagora është një destinacion tërheqës kulturor-historik, i cili u ofron turistëve një shumëllojshmëri të madhe prej ekspozitash muzeore dhe monumentesh arkitekturore nga epoka të ndryshme.

Disa prej objekteve më tërheqëse në rajon janë muzeu “Banesat e neolitit” ku ndodhen disa prej mbeturinave të ruajtura më mirë në Evropë nga epoka e neolitit të hershëm (mijëvjeçari i VI para Krishtit), dhe rezervati arkeologjik “Avgusta Trajana-Vereja”, në të cilin mund të shihet sheshi i forumit me amfiteatrin, rruga kryesore antike, porta perëndimore e qytetit, muret e kështjellës dhe mozaikë të mrekullueshme.


Bëjnë përshtypje kompleksi arkitekturorMuzeu i feve dhe Muzeu Historik Regjional, ekspozita e të cilit prezanton historinë e regjionit që nga mijëvjeçari i VI para Krishtit deri në rimëkëmbjen e qytetit pas Luftës Ruso-Turke /1877-1878/.


Në qytet ndodhet shtëpia e poetit të madh bullgar Geo Milev /1895-1925/ еshndërruar në një muze në mes të shekullit të kaluar,dhe muzeu “Stara Zagora letrare”, i cili paraqet jetën dhe krijimtarinë e poetëve dhe shkrimtarëve të njohur nga Stara Zagora pas fundit të shekullit XIX.


Stara Zagora është i njohur gjithashtu si qyteti i blirëve dhe rrugëve të drejta. Arkitektura më e ndryshme në krahasim me atë të vendbanimeve të vjetra të Bullgarisë i detyrohet planit modern urban të krijuar për rimëkëmbjen e qytetit të shkatërruar gjatë Luftës Ruso-Turke /1877-1878/. Pamja e tij karakteristike - rrugët e drejta me pemë bliri dhe hapësira të gjera të gjelbra, i shton itineraret kulturore dhe historike.


Jeta kulturore, mundësitë për argëtime, Banjat Minerale të Stara Zagorës e pasurojnë edhe më shumë ofertën turistike të destinacionit, i cili arriti në finalet e edicionit të gjashtë të oskarëve ballkanikë “Balkan Awards of Tourism Industry 2020”.

Përpiloi: Krasimir Martinov

Përgatiti në shqip: Vesella Mançeva

Më shumë nga rubrika

Veliko Tërnovo prezanton trashëgiminë e tij kulturore dhe historike në një ekspozitë në Madrid

Trashëgimia e pasur kulturore dhe historike dhe potenciali turistik i qytetit Veliko Tërnovos prezantohen në ekspozitën më të madhe të specializuar në Spanjë - FITUR, njofton qendra për shtypin e bashkisë së qytetit. Në forumin që fillon më 19..

botuar më 22-01-19 1.14.MD

Biznesi insiston në zhvillimin e turizmit të kampingut

Ministri i Turizmit Hristo Prodanov në një takim me përfaqësuesit e turizmit alternativ dhe aventuror diskutoi idetë për zhvillimin e këtij lloji të produkteve turistike në Bullgari. Ministri Hristo Prodanov tha se ministria do t’i kushtojë..

botuar më 22-01-17 6.12.MD

Ballçik tërheq miq nga vendi dhe nga jashtë me një program të pasur kulturor

Një sërë ekspozitash, forumesh, festivalesh janë pjesë e veprimtarive që do të zhvillohen deri në fund të muajit gusht në Ballçik . Programi i pasur kulturor filloi që në ditët e para të janarit. Deri në fund të muajit mund të shikohet..

botuar më 22-01-15 10.25.PD
Подкасти от БНР