Për të pestën herë me radhë Ministria e Turizmit dekoroi përfaqësuesit e biznesit, bashkive dhe mediave në Çmimet Vjetore të Turizmit - 2020. Edicioni i sivjetshëm i konkursit u mbajt sipas rregullave në përputhje me masat anti-epidemike në kushtet e Covid-19. Tradicionalisht u ruajt vetëm gara për çmimin e madh në kategorinë "Zgjedhja e bullgarëve"
"Në këtë vit të vështirë, është e rëndësishme të tregojmë shembuj të mirë në sektor dhe të vlerësojmë arritjet në industri, e cila megjithë të gjitha vështirësitë po vazhdon të funksionojë", tha Zëvendëskryeministrja dhe Ministre e Turizmit Marijana Nikollova dhe falënderoi të punësuarit në sektor. Ajo nënvizoi se me punën dhe zellin e tyre përfaqësuesit e biznesit kanë dëshmuar se kjo nuk është vetëm një degë ekonomike, një mënyrë jetese, por edhe një kauzë.
Megjithë krizën gjatë vitit 2020, kishte interes ndaj konkursit. Gati 50 kandidatë aplikuan për pjesëmarrje në 10 kategori të konkursit. Gjatë votimit në internet u regjistruan afro 33 000 vota. Më i madh ishte interesi për Çmimin e Madh "Zgjedhja e bullgarëve". Më shumë se 11 000 veta votuan për Parkun Historik afër fshatit Neofit Rillski, Varna. Ai u zgjodh midis të gjitha vendeve turistike të përfshira në "100 objektet turistike kombëtare" dhe "50 vendet pak të njohura".
Shtëpia me ushqimet më të shijshme, banuesit më të rinj dhe eksperiencat më të pazakonta ndodhet në Rodope dhe mban emrin përrallor "Momçill Junak". Deri pak kohë më parë, baza në pronësi të Bashkisë së Smoljanit ishte bosh. Por mbërritën Nikoleta dhe..
Rajoni i malit Stara Pllanina përreth qytetit të Bullgarisë Veriore - Elena gëzon interes të pandërprerë turistik jo vetëm nga bashkatdhetarët tanë, por edhe nga shumë të huaj. Madje disa prej tyre vendosen këtu përgjithmonë, duke u bërë pjesë e..
Më shumë se 1 milion udhëtarë priten në Bullgari për Pashkët, tha për BTA Rumen Draganov, drejtor i Institutit për Analiza dhe Parashikime në Turizëm. Në një periudhë prej rreth 5 vitesh, Pashkët bien në fillim të majit, dhe zakonisht atëherë..