Një vendim i gjykatës shkaktoi krizë qeveritare në Kosovë
Kosova ra në një krizë qeveritare pasi Gjykata Kushtetuese shpalli si jo kushtetuese zgjedhjen e qeverisë së Avdullah Hotit nga Parlamenti në qershor. Problemi është se zgjedhja është bërë me votën e një deputeti të dënuar përpara kohe për mashtrime. Gjykata e mori këtë vendim në bazë të ankesës së partisë “Vetëvendosje”, e cila doli nga pushteti pas një përçarjeje me partinë e Hotit - Bashkimi Demokratik i Kosovës, transmetoi Radioja Kombëtare Bullgare - programi “Horizont”. Ankesa u parashtrua për shkak të deputetit Etem Arifi, i dënuar gjatë vitit 2018 me 15 muaj burgim për shpërdorim me 26 000 euro. Në përshtatje me ligjet kosovare një person i dënuar në instancë të fundit, nuk ka të drejtën të jetë deputet të paktën 3 vjet pas dënimit përfundimtar. Pritet që Presidentja e përkohshme Vjosa Osmani të fillojë konsultime me forcat politike për një datë të re për zgjedhjet parlamentare.
Rreth 1,7 milionë shqiptarë jetojnë në emigracion
Instituti Shtetëror i Statistikave i Shqipërisë njoftoi se numri i përgjithshëm i qytetarëve shqiptarë , të cilët jetojnë jashtë shtetit, është rreth 1,7 milionë. Vetëm për vitin 2019 nga vendi kanë ikur 47 000 veta, duke e shtuar diasporën shqiptare me 2,6% në vit, shkruan agjencia BGNES. Sipas statistikës kombëtare të Shqipërisë shkaku bazë për emigracionin është karakteri ekonomik. Më shumë emigrantë shqiptarë ka në Greqi, Itali, Gjermani dhe në Britaninë e Madhe.
Rumania po zgjedh një qeveri të re
Presidenti rumun Klaus Werner Iohannisnominoi ministrin aktual të financave nga Partia Kombëtare Liberale Florin Cîțupër kryeministër, raporton AGERPRES. Cîțu është i propozuar për kryeministër nga koalicioni i përbërë nga Partia Kombëtare Liberale, Bashkimi për Shpëtimin e Rumanisë-PLUS dhe Bashkimi Demokratik i Hungarezëve në Rumani. Koalicioni i djathtë centrist i vuri vetes për qëllim të formojë një kabinet pa Partinë Social Demokrate, e cila u klasifikua e para në zgjedhjet e 6 dhjetorit, me rreth 30 % të votave. Cîțu i cili është 48 vjeç e ka përfunduar arsimin e vet në Shtetet e Bashkuara. Ka punuar në Bankën Kombëtare të Zelandës së Re dhe në Bankën Evropiane për Rimëkëmbje dhe Zhvillim, njofton Agjencia Telegrafike Bullgare. Pritet që parlamenti i zgjedhur më 6 dhjetor të përkrahë kabinetin e ri akoma përpara Krishtlindjes.
Nacionalistët fituan votimin e parë lokal prej 12 vjetëve e këtej në Mostar
Më 20 dhjetor në qytetin Mostar, në pjesën myslimano-kroate të Bosnjës dhe Hercegovinës, u zhvilluan zgjedhjet e para prej 12 vjetëve e këtej. Pavarësisht nga pandemia, aktiviteti tejkaloi 50%. Më shumë vota fituan të dyja partitë nacionaliste, të cilat kanë drejtuar dhe deri tani - Bashkimi Demokratik Kroat /të katolikëve kroat/ dhe Partia e Veprimit Demokratik /e myslimanëve boshnjakë/. Zgjedhjet u bënë të mundshme pas një pauze 12 vjeçare, pasi një mësuese vendase dha ankesë kundra Bosnjës përpara Gjykatës Evropiane për të drejtat e njeriut. Shkaku për këtë pauzë ishte se gjatë vitit 2008 Gjykata Kushtetuese i përcaktoi rregullat zgjedhore në qytet për diskriminuese dhe që atëherë Bashkimi Demokratik Kroat dhe Partia e Veprimit Demokratik nuk mundën të arrijnë një marrëveshje dhe pajtim mbi këtë çështje.
Aksion kombëtar për testim falas për Covid-19 në Greqi
Masat e rrepta anti-epidemike në Greqi ruhen deri më 7 janar. Pas dy muajve nën karantinë rezultatet janë inkurajuese, por akoma ka vatra aktive të infektimit. Mjekë ushtarakë përfshihen në zhvillimin e testimit masiv të popullsisë. Për këtë qëllim në vend hapen 130 qendra, transmetoi nga Greqia korrespondentja e Radios Kombëtare Bullgare Katja Peeva. Që të gjithë të cilët kanë dëshirë mund të bëjnë teste falas. Nga kabineti i kryeministrit njoftojnë se më 28 dhjetor Kyriakos Mitsotakis dhe bashkëshortja e tij do të vaksinohen kundra Covid-19. Fushata mbi vaksinimin fillon gjatë javës së fundit të muajit dhjetor në pesë spitale të Athinës, ku prioritet kanë punonjësit mjekësorë.
Përpiloi: Miglena Ivanova
Përgatiti në shqip: Nataniela Vasileva
Foto: EPA/BGNES, AP/BTA, ReutersSerbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha Stanisavlleviç, bëri të ditur se numri i emigrantëve në vend u ul me 80% dhe u vendos që përkohësisht të..
Nëse zgjedhjet parlamentare do të mbaheshin më 1 gusht, GERB-SDS do të ishte forca e parë politike, sipas një sondazhi të “Market LINKS”. GERB - SDS merr 23% mbështetje. “Po e vazhdojmë ndryshimin – Bullgaria Demokratike” (PP-DB) është me 15.3%...
Minoriteti turk në Trakinë Perëndimore është një prioritet për Ankaranë Problemet e pakicës turke në Trakinë Perëndimore janë prioritet për Turqinë në dialogun e saj me Greqinë. Ankaraja do të vazhdojë të kujdeset për "bashkatdhetarët e saj"..