Temperaturat e larta për këtë stinë janë shkak që patat me gjoks të kuq globalisht të rrezikuara akoma të mos kthehen në shtëpinë e tyre të zakonshme dimërore-liqenet Shablla dhe Durankullak në bregdetin verior bullgar. Kjo u bë e qartë nga numërimi i fundit i koordinuar i shpendëve në Ukrainë, Rumani dhe Bullgari.

Në kushte normale dimërore e gjithë popullata botërore e këtij lloji, e cila numëron rreth 50 000 shpendë, e kalon dimrin në zonat e lagështa të Dobruxhës dhe mund të vërehet në Bullgari dhe Rumani që nga muaji nëntor deri në muajin mars.

Bëhet fjalë për Branta ruficollis - pata më e bukur e egër në Evropë dhe në Azi. Gjatësia e trupit të saj arrin deri më 56 centimetra, kurse hapja e krahëve-deri më 135 centimetra. Kjo është pata e vetme me pendë të ndritshme, gjë e cila e bën jashtëzakonisht atraktive.

Në ditët e fundit të vitit 2020, u saktësuan mezi rreth 18 000 pata me gjoks të kuq, ku pjesa më e madhe janë në Rumani. Përgjatë lumit Danub-në rajonin Svishtov-Belene dhe në zonat e lagështa rreth qytetit Burgas dhe në Dobruxha u numëruan rreth 130 përfaqësues të këtij lloji të rrallë.