Radioja Kombëtare Bullgare © 2021 Të gjitha të drejtat janë të rezervuara

Presidenti caktoi zhvillimin e zgjedhjeve parlamentare për datën 4 prill

Presidenti Rumen Radev
Foto: BTA

Në një fjalim të posaçëm ndaj bullgarëve Presidenti Rumen Radev shpalli se cakton zgjedhjet e ardhshme parlamentare për datën 4 prill 2021, një javë pas datës së parë të mundshme pas skadimit të mandatit të Parlamentit, nënvizoi Kreu i Shtetit. Presidenti i falënderoi të gjithë, të cilët i janë përgjigjur ftesës për konsultime për masat e domosdoshme gjatë zhvillimit të zgjedhjeve të ardhshme.

“U theksua domosdoshmëria për ndryshime në Kodin Zgjedhor. Po pres që ligjvënësi të shqyrtojë dhe të votojë gjithashtu propozime të tjera jo më pak të rëndësishme, si votimi me anë të postës i bullgarëve jashtë shtetit, të cilët në një sërë shtetesh do të hasen me vështirësi serioze, madje mund të mos kenë mundësinë për të ushtruar të drejtën e tyre kushtetuese të votimit; video-monitorimi në seksionet e zgjedhjeve dhe transmetimi i procesit të numërimit të fletëvotimeve dhe formimit të protokolleve zgjedhore; si dhe sigurimi i aksesit tek mediat i të gjitha palave që marrin pjesë në fushatën paraelektorale; heqja e numërimit me dorë të votave me makina”, tha Kreu i Shtetit.

“Ka konsensus se organet përgjegjëse duhet të shpallin sa më herët masa të qarta shëndetësore, të cilat kanë një rëndësi të madhe për fushatën paraelektorale, për tërheqjen e anëtarëve në komisionet zgjedhore dhe për aktivitetin zgjedhor”, deklaroi gjithashtu Radev. Kreu i Shtetit shtoi se po pret që Komisioni Qendror i Zgjedhjeve t’i aktualizojë listat elektorale.

Më shumë nga rubrika

Ngjarjet me adresë ballkanike

Greqia kërkoi në OKB që Turqia të kthejë statutin e muzeut të “Shën Sofjes” Greqia bashkë me një sërë organizatash ndërkombëtare, kërkon nga Turqia për të kthyer statusin e mëparshëm të muzeut të “Shën Sofjes” në Stamboll. Monumenti antik..

botuar më 21-02-26 3.00.MD

A është e pashmangshme që Bullgaria të drejtohet nga një koalicion?

Bullgaria ndodhet para zgjedhjeve më të rëndësishme që nga fillimi i tranzicionit drejt demokracisë, pohojnë analizatorët në vend. Deri në fillimin e fushatës paraelektorale mbeten ditë të numëruara. Sa njerëz do të shkojnë deri tek kutitë e votimit - kjo..

botuar më 21-02-25 11.59.PD

Për bullgarët Rusia, Kina dhe SHBA-ja do të jenë superfuqitë në të ardhmen e afërt

Duke i përgjigjur pyetjes se cilat do të jenë super fuqitë gjatë 2030 58% e bullgarëve e vendosin Rusinë në   vend të parë, 50% e vendosin Kinën dhe 46% - Shtetet e Bashkuara të Amerikës. Kjo tregon një studim global i Asociacionit Ndërkombëtar..

botuar më 21-02-23 12.02.MD