Ka nevojë për heqjen e kërkesës për dhunë sistematike në shtëpi, që të ndëshkohen fajtorët. Aktualisht kërkesa është për të paktën 3 raste, që të ketë ndëshkim. Këtë e tha Avokatja e Popullit Diana Kovaçeva në një debat të organizuar nga ajo kushtuar projektligjit për mbrojtje nga dhuna në shtëpi.

Në Bullgari nuk ka statistikë zyrtare për viktimat e dhunës në shtëpi, por sipas të dhënave të organizatave joqeveritare gjatë vitit 2020 gratë e vrara nga partnerët e tyre janë 15, ndërsa në njoftimet e mediave përmenden të paktën akoma pesë raste të tilla.