Mani i vjetër, i cili tanimë 450 vjet gëzon dashurinë e banuesve të qytetit Veliki Presllav (Bullgari Verilindore), do të konkurrojë në Konkursin Ndërkombëtar “Pema Evropiane e Vitit 2021”. Pema me dinjitet ruan kujtimin për ngjarje të shumta historike dhe personalitete - mes tyre vojvoda Stefan Karaxha dhe Apostulli i lirisë Vasill Levski. Gjatë vitit 1900, patriarku i letërsisë bullgare Ivan Vazov takohet me banuesit vendas në kafenenë, ku mani zgjat degët e veta.

Zgjedhja për një pemë evropiane do të vazhdojë  deri në fund të muajit shkurt dhe në të mund të marrin pjesë online njerëz nga e gjithë bota. Fituesi do të shpallet më 17 mars, njoftuan nga Fondacioni “EkoKomunitet”. “Le të dëshmojmë, se Bullgaria jonë e vogël por e papërsëritshme si dhe qyteti ynë i dashur kanë cilësinë të mahnitin çdo një”, bëjnë thirrje ndaj bullgarëve nga bashkia Veliki Presllav.

Përpiloi: Diana Cankova