Presidenti Rumen Radev mori letra urimi nga krerët e shteteve në të gjithë botën me rastin e Festës Kombëtare të Bullgarisë - 3 Marsit, njofton qendra e shtypit pranë presidencës. Midis tyre janë urimet nga Presidenti i Federatës Ruse Vlladimir Putin, Perandori i Japonisë Naruhito, Mbreti i Spanjës Felipe VI, Mbreti i Belgjikëve Philip, Presidenti i Gjermanisë Frank-Walter Steinmeier, Mbretëresha e Mbretërisë së Bashkuar Elizabeth II, Presidenti i Rumanisë Klaus Johannes, Presidenti i Hungarisë Janos Ader, Presidenti i Zvicrës Guy Parmelin, Presidenti i Egjiptit Abdel Fattah al-Sisi dhe shumë krerë të tjerë të shteteve dhe përfaqësues të organizatave ndërkombëtare.

Në letrën e tij, Presidenti i Federatës Ruse Vlladimir Putin i jep nderim vetëmohimit të vullnetarëve bullgarë dhe ushtarëve rusë që luftuan krah për krah për lirinë e Bullgarisë.

Në letrën e tij të urimit, Presidenti gjerman Frank-Walter Steinmeier shprehu besimin se të dy vendet do të punojnë së bashku për të kapërcyer sfidat e përbashkëta.