“Bullgaria dhe Spanja, fqinjë dhe miq në Antarktidë” është titulli i fotoekspozitës, të cilën e hapi Qendra për Studimet Polare dhe Instituti Antarktik Bullgar në Hyrjen Qendrore të Universitetit të Sofjes “Shën Kliment Ohridski”. Ekspozita përfshin fotografi emocionuese, në të cilat është dokumentuar miqësia midis antarktikëve bullgarë dhe spanjollë, të cilët kanë marrë pjesë në ekspedita gjatë viteve. Shkaku për ekspozitën është 110 vjetori nga vendosja e lidhjeve diplomatike midis Republikës së Bullgarisë dhe Mbretërisë së Spanjës dhe 30 vjet një fqinjësi e mirë në Polin e Jugut.

“Nuk ka gabim - Spanja është fqinja jonë, por në Antarktidë. Dhe është një nga fqinjët më të shkëlqyer, të cilët ndokush mund t’i urojë  vetes”- ripohuan studiuesit tanë në Antarktidë, gjatë hapjes së ekspozitës. Ambasadori i Spanjës në Bullgari Shkëlqesia e tij Alejandro Polanco dalloi faktin se, vjet, pasi është zbuluar një ishull i ri në Kontinentin e Akullt, bullgarët kanë propozuar që ai të emërtohet me emrin  Javier Hacho, një eksplorues i njohur polar spanjoll dhe mik i udhëheqësit të ekspeditave bullgare, profesor Hristo Pimpirev. Ekspozita mund të shikohet deri më 18 mars në Sofje.

Përpiloi: Gergana Mançeva

Përgatiti në shqip: Nataniela Vasileva