Radioja Kombëtare Bullgare © 2021 Të gjitha të drejtat janë të rezervuara

Në plazh në Bullgari - me një distancë prej të paktën 1.5 m midis njerëzve

Foto: Pixabay

Me urdhër të Zëvendës Kryeministres dhe Ministre të Turizmit Mariana Nikollova, vendosen rregulla të përbashkëta për masat antiepidemike në turizëm per sezonin e ardhshëm të verës 2021. Qëllimi është të garantohet shëndeti dhe siguria e turistëve, ndërsa Bullgaria të mbrojë statusin e saj të destinacionit të shëndetshëm dhe të sigurt.

Masat përfshijnë të gjitha llojet e turizmit. Në vendet e mbyllura publike, maskat e fytyrës janë të detyrueshme, si dhe një distancë prej 1.5 m. Në një vend të dukshëm në vendet e akomodimit tabela të informacionit do të tregojnë numrin maksimal të mysafirëve. Nëse dyshohet se një mysafir ka Covid-19, ai do të izolohet në një dhomë të përgatitur paraprakisht. objekti nuk do të vihet nën karantinë.

Sipas rregullave, në plazhet e mbrojtura detare duhet të respektohet një distancë fizike prej të paktën 1.5 m ndërmjet individëve. Vetëm 2 persona ose anëtarët e një familjeje do të mund të akomodohen në zonat e plazhit në çdo 20 metra katrorë. Një çadër mund të përdoret nga maksimumi 2 persona ose nga anëtarët e një familjeje.

Në objektet për ushqim rekomandohet që turistët të mbajnë maska ​​derisa të ulen në tryezë dhe pasi të ngrihen prej saj.

Rregullat hyjnë në fuqi më 1 maj. Sipas ministres Mariana Nikollova, për momentin nga gati 150 mijë njerëz që punojnë në sektorin e turizmit, 82 mijë kanë deklaruar se duan të vaksinohen.


Më shumë nga rubrika

Rumen Draganov

Që prej vitesh turistët ukrainas në Bullgari janë më shumë se ata rus

Në vitet e fundit kemi më shumë turistë ukrainas sesa rusë. Në vitin 2020 kemi pasur 50 000 turistë nga Rusia dhe 200 000 nga Ukraina, vuri në dukje doc. Rumen Draganov para bTV në lidhje me fluturimet e anuluara nga Rusia në maj . Për mendimin e..

botuar më 21-05-10 11.02.PD

Fundjavë me verë dhe ushqim gustator në Plovdiv

Qyteza e Vjetër e Plovdivit pret adhuruesit e shijes së stërholluar në festivalin e shtatë radhazi “Verë dhe Gourmet” që organizohet dy ditët e pushimit. Në oborret e shtëpive nga koha e Rilindjes Kombëtare Bullgare prodhues të verërave dhe të..

botuar më 21-05-08 6.25.PD

Na pret një sezon i vështirë turistik

Midis 60 dhe 70 për qind të hoteleve të mëdhenj në det nuk do të hapen gjatë sezonit turistik veror, mendon Georgi Nikollçev, kryetar i Asociacionit të Pronarëve në Turizëm. Arsyeja është “pasiguria absolute për mysafirët që do të vijnë nga..

botuar më 21-05-03 12.59.MD