Shumë bullgarë u kthyen në atdhe me fëmijët e tyre për shkak të epidemisë së koronavirusit dhe me këtë lidhet misioni i ri i Shkollave të së Dielës jashtë vendit, thanë për BNR Snezhina Meçeva dhe Bojanka Ivanova, drejtore shumëvjeçare të Shkollave Bullgare në Londër dhe Çikago. Disa nga fëmijët kanë lindur jashtë vendit dhe regjistrimi i tyre në sistemin arsimor do të jetë i suksesshëm vetëm nëse ata flasin bullgarishten dhe njohin kulturën bullgare, theksojnë ato. Aktualisht ka 400 shkolla jashtë vendit për fëmijë bullgarë në 40 vende në 6 kontinente. Pavarësisht nga bashkëfinancimi dhe mbështetja metodologjike nga shteti bullgar, ato ekzistojnë kryesisht për shkak të punës, burimeve dhe entuziazmit të bashkatdhetarëve tanë.