Radioja Kombëtare Bullgare © 2021 Të gjitha të drejtat janë të rezervuara

Mobilizimi kombëtar për pastrimin e burimeve ujore në Bullgari

Foto: BGNES

Uji është një nga burimet më të vlefshme shteruese në Tokë - të gjithë e dimë këtë, por duket se e nënvlerësojmë këtë fakt derisa të përballemi me mungesën e tij reale ose të dëshmojmë një përmbytje shkatërruese.

Ambientalistët nga Greenpeace-Bullgaria vendosën ta përqendrojnë vëmendjen e shoqërisë sonë përsëri në ndotjen e burimeve ujore në vend. Fushata e tyre pranverore #Zgjedhe Ujin është një mënyrë tradicionale dhe efektive për t'u kujdesur për natyrën – nëpërmjet organizimit dhe mbështetjes së ngjarjeve të pastrimit të burimeve ujore në të gjithë vendin. Meqenëse mbrojtja e burimeve ujore është detyra jonë që të kemi një të ardhme të mirë. Ambientalistët e quajnë fushatën e tyre një mobilizim kombëtar për pastrimin e burimeve ujore në Bullgari. Nisma është për të gjithë ata që nuk janë indiferentë nëse në lumenjtë, liqenet dhe digat e Bullgarisë do të lundrojnë mbeturina - shpjegoi Angell Bondov, koordinator i bashkësive vendase në Greenpeace-Bullgaria.

“Të gjithë e duan ujin, të gjithëve u pëlqen të vizitojnë një digë, liqen, apo lumë afër vendit ku jetojnë. Të gjithë kanë parë mbeturinat e grumbulluara pranë këtyre rezervuarëve, kështu që kushdo që dëshiron të marrë pjesë në fushatën tonë është i mirëpritur të mbledhë bashkëmendimtarë dhe të regjistrohet në faqen tonë, dhe ne do t'i dërgojmë atij pajisjet e nevojshme të pastrimit - shpjegoi Angell Bondov përpara BNR-Radio Sofje.

Shpresojmë se gjatë tërë muajit maj do të ketë shumë ngjarje të tilla dhe se ato do të bëhen një festë e vërtetë për të gjithë ne.”

Fushata #Zgjedhe Ujin organizohet me rastin e përvjetorit të dhjetë të degës bullgare të Greenpeace. Ambientalistët zhvilluan bisedimin rreth mbrojtjes së burimeve ujore në Bullgari që përpara zgjedhjeve parlamentare në vend më 4 prill. Atëherë ata iu drejtuan politikanëve me tre pyetje në lidhje me ruajtjen e resurseve ujore dhe "menaxhimin e tyre njerëzore". Ambientalistët kërkuan nga politikanët për t’i shpjeguar shoqërisë se cili është vizioni i tyre për zgjidhjen e problemit të mungesës së ujit, për përdorimin e ujit në sistemin energjetik në planin afatgjatë dhe në cilin drejtim duhet të transformohet prodhimi i energjisë në vendin tonë.

Arsyen për këtë hap Greenpeace e shpjegon thjesht – “Demokracia punon për ne kur ne punojmë për të”. Ne mund të ruajmë natyrën dhe shoqërinë duke votuar dhe duke kërkuar që politikanët e zgjedhur nga ne të marrin përgjegjësinë për premtimet e tyre dhe të jenë udhëheqës ambiciozë politikë me një vizion për ruajtjen e natyrës.”

Përpiloi: Vesella Krësteva (intervistë e Gergana Pejkovës, BNR – Radio Sofja)

Përgatiti në shqip: Vesella Mançeva

Foto: BGNES, gabrovoinnovationcamp.eu, greenpeace.org

Më shumë nga rubrika

Kujdesi shëndetësor elektronik dhe qytetet e urta janë ndër theksat e Bulgarian Digital Week 2021

Më shumë se 150 lektorë nga mbarë bota të bashkuar në 14 konferenca tematike do të ofrojë sivjet Java Digjitale Bullgare (Bulgarian Digital Week 2021) nga 21 deri më 26 qershor. Forumi do të mbahet online dhe do të japë informacion aktual   dhe  do..

botuar më 21-06-20 8.05.PD

43 vendbanime në Bullgari shënojnë Ditën Ndërkombëtare të Jogës

Për vit të shtatë të radhës bota shënon Ditën Ndërkombëtare të Jogës. Data zyrtare është 21 qershor, por ngjarjet të cilat i kushtohen festës zakonisht fillojnë ditë të tëra përpara kësaj. Ashtu si dhe gjatë vitit 2020, ajo do të shënohet në një..

botuar më 21-06-19 11.45.PD

Një ndryshim në tarifat e vizave po diskutohet

Ministri i Jashtëm Svetllan Stoev propozon të rritet nga 60 në 80 euro tarifa që paguajnë shtetasit e vendeve jashtë BE qër të marrë një vizë qëndrimi të shkurtër në Bullgari. Propozimet janë botuar për konsultim publik në faqen e internetit të..

botuar më 21-06-18 1.47.MD