Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Sofja është mikpritëse e takimit “Tre Dete”

Foto: ndk.bg

Samiti i gjashtë i Nismës ”Tre Dete”, mikpritës i të cilit është Presidenti Rumen Radev, do të zhvillohet më 8 dhe 9 korrik në Pallatin Kombëtar të Kulturës në Sofje. Ngjarja do të shoqërohet nga një forum i madh biznesi, në të cilin janë të ftuar ekspertë, kompani, investitorë të huaj strategjikë dhe pala të tjera të interesuara nga rajoni.

Gati 400 do të jenë pjesëmarrësit nga Bullgaria dhe jashtë për të diskutuar aspekte të shndërrimit të sistemeve energjetike në neutralitet karboni, lidhjen e qendrave kërkimore dhe kombinimin e iniciativave lokale të inovacionit, si dhe mundësitë e investimeve përmes fondeve të iniciativës rajonale.

Roli i Iniciativës së "Tre Deteve" për rritjen ekonomike inteligjente dhe gjithëpërfshirëse do të jetë në qendër të një diskutimi të nivelit të lartë sot. Ai do të përfshijë presidentët e Bullgarisë Rumen Radev, Frank-Walter Steinmeier të Gjermanisë, Kersti Kaljulaid të Estonisë, Egils Levits të Letonisë, Andrzej Duda të Polonisë, Borut Pahor të Sllovenisë, Kryeministrin e Kroacisë Andrej Plenkovic, Zëvendës Kryeministrin Çek Karel Havlicek dhe Kryeministren e Republikëssë Sllovakisë Veronika Remišová, Zëvendës Ministrine Jashtëm të AustrisëPeter Launsky-Tieffenthal. Midis pjesëmarrësve në diskutime do të jetë drejtoresha e Fondit Monetar Ndërkombëtar Kristalina Georgieva. Priten përshëndetje video nga Presidenti i SHBA Joseph Biden dhe Presidenti i Lituanisë Gitanas Nauseda. Presidentja greke Katerina Sakelaropoulou do të jetë gjithashtu nga të ftuarit në nismën e këtij viti.

“Tre Dete” bashkon 12 shtete anëtare të BE-së - Bullgaria, Estonia, Letonia, Lituania, Polonia, Republika Çeke, Sllovakia, Hungaria, Sllovenia, Austria, Kroacia, Rumania, kurse partnerët e tyre janë Shtetet e Bashkuara, Gjermania dhe Komisioni Evropian. Shtrirja territoriale e vendeve pjesëmarrëse në “Tre Dete” mbulon pothuajse një të tretën e territorit të Bashkimit Evropian, me 111 milion qytetarë evropianë që jetojnë në këto vende. Qëllimi i nismës është të promovojë bashkëpunimin rajonal dhe rritjen e qëndrueshme ekonomike, duke çuar në kohezion të përshpejtuar shoqëror dhe ekonomik në Evropë.

Bullgaria mori rolin e koordinimit në "Tre Dete" nga Estonia në tetor 2020 në Samitin në Talin. "Gjatë mikpritjes së takimit Bullgaria do të zhvillojë kapacitetin e iniciativës si një mjet i vërtetë për bashkëpunim dhe zhvillim të përshpejtuar të rajonit tonë duke përmirësuar energjinë, transportin dhe lidhjen digjitale," tha Presidenti Rumen Radev.




Последвайте ни и в Google News Showcase, за да научите най-важното от деня!

Më shumë nga rubrika

Prof. i asociuar Hristo Hristev: Parlamenti Evropian nuk është çështje numrash, por përgatitjeje dhe kuptimi se si funksionon BE-ja

Parlamenti Evropian është organi i vetëm në BE i zgjedhur drejtpërdrejt nga qytetarët. 6 138 050 votues bullgarë kanë të drejtë të emërojnë 17 përfaqësues politikë për ta përfaqësuar Bullgarinë në Parlamentin e ri Evropian për pesë vitet e..

botuar më 24-06-09 9.10.PD
Hristijan Mickovski

Ngjarjet me adresë ballkanike

Mickovski ka marrë mandatin për formimin e qeverisë në Maqedoninë e Veriut Lideri i VMRO-DPMNE-së, Hristijan Mickovski ka marrë mandatin deri më 24 qershor për të paraqitur në Kuvend përbërjen dhe programin e qeverisë së re të Maqedonisë së..

botuar më 24-06-07 7.30.MD

Fushata për zgjedhjet evropiane mbeti nën hijen e zgjedhjeve të radhës të parakohshme parlamentare në Bullgari

Të dielën, më 9 qershor, Bullgaria zgjedh përbërjen e Asamblesë së 50-të Kombëtare. Këto janë zgjedhjet e gjashta të parakohshme parlamentare me radhë brenda dy vitesh e gjysmë , por këtë herë ato përkojnë edhe me zgjedhjen e Parlamentit të ri Evropian..

botuar më 24-06-06 7.30.PD