Ka presion të forcuar drejt vendit, por ai nuk është i pazakonshëm. Kështu e vlerësoi situatën Ministri i Brendshëm, Bojko Rashkov, në përgjigje të një pyetjeje parlamentare. Ministri sqaroi se rruga nëpër Evropën Juglindore është ende e ngarkuar. Qëllimi kryesor i migrantëve është që të arrijnë në vendet e Evropës Perëndimore. Bullgaria vazhdon të jetë një vend tranzit, jo destinacioni i tyre përfundimtar. Konfliktet në Lindjen e Mesme dhe Afganistan po e forcojnë presionin. Është rritur fluksi i emigrantëve ilegalë nga brendësia e Turqisë në Edrene. Përqendrimi i një numri të konsiderueshëm emigrantësh në Turqi dhe Greqinë Veriore është një parakusht për rritjen e trafikut të paligjshëm edhe drejt Bullgarisë, shpjegoi Rashkov.