Dita e parë shkollore gjithnjë është një festë për mësuesit, nxënësit dhe familjet e tyre. Edhe fëmijët e rritur të zhytur në problemet e tyre adoleshente emocionohen, zgjedhin me kujdes veshjet e tyre dhe natyrisht blejnë lule për mësuesit e tyre të preferuar. Kjo traditë është e shtrenjtë për ne trashëgimtarët e sotëm të brezave të tëra bullgarësh me një dashuri shekullore ndaj arsimit.
Dihet se shkollat bullgare në trojet tona u krijuan në shekullin e IX. Ato u themeluan nga Princi Boris pas ardhjes së nxënësve të Shenjtorëve Kirill dhe Metodij. Gjatë sundimin osman pothuajse çdo vendbanim kishte shkollën e vet të mbështetur nga të gjithë në komunitetin sipas gjendjes materiale. Në vitet 30-të të shekullit XIX u shfaq i ashtuquajturi sistemi i mësimit të ndërsjellë, në të cilin për shkak të mungesës së mësuesve të mjaftueshëm, nxënësit më të përparuar mësuan fillestarët. Sidomos i madh është roli i shkollës për Rilindjen Kombëtare Bullgare, kur ajo ishte jo vetëm në vatër arsimore, por edhe kulturore. Në atë kohë mësuesit ishin edhe muzikantët, kompozitorët, shkrimtarët, artisët. Pas Çlirimit të Bullgarisë nga zgjedha osmane (1878) shumë bullgarë studiuan në Rusi ose në universitete prestigjioze evropiane. Duke u kthyer në atdhe, disa prej tyre u bënë mësues. Ndër ta ishte edhe Stojan Beshkov. Ai lindi në qytetin Svishtov dhe mësoi muzikë te Janko Mustakov – krijuesi i korit të parë të përzier tek ne. Në vitin 1885 Beshkov u diplomua në shkollën muzikore në Odesë. Pas kësaj ai jepte mësime në qytete të ndryshme të Bullgarisë, dhe më gjatë në qytetin Vrana, ku ndër nxënësit e tij ishin Dobri Hristov (një nga kompozitorët e parë profesional tek ne) dhe Petër Rajçev (këngëtari i parë operistik bullgar me karrierë botërore). Stojan Beshkov krijoi muzikën e këngëve të mrekullueshme shkollore, megjithëse autorësia e tij për disa prej tyre nuk dihet gjerësisht. Ndër to është “Fëmijë e bukur” sipas tekstit të patrikut të letërsisë bullgare Ivan Vazov. Edhe më sot kjo këngë është e dashur për breza të tëra dhe tingëllon ditën e parë shkollore.
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave njerëzorë. Ivelina Coneva, Vesella Morova, Konstantin Bejkov, Janko Jankov dhe Daniell Nikollov kanë..
Pas suksesit të padiskutueshëm të koncertit - spektakël "Përgjithmonë" në sallën Nr.1 të Pallatit Kombëtar të Kulturës (NDK) vjeshtën e kaluar, fansat e Jordanka Hristovës sot do të kenë mundësinë të shijojnë edhe një herë këngët e paharrueshme të..
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik..