Çmimi i energjisë elektrike për bizneset është shokues, i njëjti është rasti me karburantet alternative, si gazi dhe qymyri, paralajmëroi Shoqata e Kapitalit Industrial në Bullgari në një takim me Ministrin e Energjisë Andrej Zhivkov. Ai, nga ana tjetër, shpjegoi se vendi ynë ka një nga çmimet më të ulëta të energjisë elektrike, por gjendja e tregjeve evropiane ndikon mbi vendin tonë. Sipas tij, qëllimi për momentin nuk është shkaktimi i falimentimeve. Ministri shtoi se aktualisht nuk ka asnjë deficit në prodhimin e energjisë elektrike dhe asnjë opsion nuk po diskutohet për ta kufizuar eksportin e saj. Sidoqoftë, aktualisht janë duke u diskutuar ndryshimet në rregullat e tregtimit të bursës që të eliminohen abuzimet e mundshme.