Radio Kombëtare Bullgare (BNR) dhe "Muzikautor" - organizata për menaxhimin e të drejtave të autorit në vendin tonë, po fillojnë një nismë të përbashkët që synon promovimin e muzikës së re bullgare ndër sa më shumë dëgjues të radios, si në eter, ashtu dhe në internet.
Ideja erdhi nga ekipi i "Muzikautor". Jasen Kozev, kryetar i bordit të shoqatës, thekson se shumë vepra të reja muzikore janë incizuar kohët e fundit, por ndonjëherë ato nuk arrijnë tek publiku i gjerë për një numër arsyesh. Rubrika e quajtur "Toka e Talenteve" do të përfshijë projekte të mbështetura nga Fondi Kulturor i “Muzikautor” gjatë viteve të kaluara. Ajo do të transmetohet nga të gjitha programet e BNR, përfshirë ato rajonale, dhe do të përbëhet nga intervista të shkurtra me autorët, të ndjekura nga vetë veprat muzikore. Dëgjuesit do të kenë mundësinë të dëgjojnë muzikë nga zhanre të ndryshme - pop, rock, muzikë klasike, folklor.
Përpiloi: Joan Kolev
Përgatiti në shqip: Vesella Mançeva
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..