Programi i ditës

Radioja Kombëtare Bullgare © 2022 Të gjitha të drejtat janë të rezervuara

Inxhinieri Valentin Nikollov, Drejtor i Dhomës së Ndërtuesve:

Çmimet e ndërtimit po rriten ndjeshëm

Foto: Ani Petrova

Sektori i ndërtimit është ndër më të prekurit nga pandemia e koronavirusit dhe rritja e çmimeve të lëndëve të para përbëjnë pengesa shtesë për funksionimin e tij normal. Megjithatë, ndërtuesit shohin një rreze të ndritshme në Planin e Rimëkëmbjes dhe në programet operative, nga të cilat pritet financimi për një sërë aktivitetesh dhe projektesh vitin e ardhshëm.

Nuk është rastësi që në fillim të pandemisë në vendet e zhvilluara flitej se ndërtimi është motori që do ta tërheqë ekonominë nga kriza globale në zhvillim, kujton Valentin Nikollov, drejtor ekzekutiv i Dhomës së Ndërtuesve në Bullgari. Por në sfondin e ciklit jashtëzakonisht të vështirë për të gjithë botën tashmë për të dytin vit me radhë, pamja në industri duket komplekse dhe kontradiktore, tha ai.

Valentin Nikollov

“Po flasim për një rritje të jashtëzakonshme të çmimeve me ritme shumë të shpejta – vazhdon Valentin Nikollov. - Ndërtimi është një industri konservatore, procesi i investimit është i ngadalshëm dhe kur planifikimi bëhet në kushte të caktuara dhe më pas ato ndryshojnë në mënyrë drastike, ndodh një kolaps i rëndë në treg. Dhe ndërsa demokracitë e vjetra disponojnë disa mekanizma kundërveprimi, ne, bullgarët, po mësohemi më ngadalë dhe vështirë. Përveç kësaj, nuk ka dialog me qeverinë”.

Sipas ekspertit, pandemia drejton shumë procese ku ka probleme komplekse dhe zgjidhja e tyre do të kërkojë shumë kohë. Kjo është arsyeja se pse Dhoma e Ndërtuesve ngul këmbë për një takim me Kryeministrin në detyrë Stefan Janev.

Ne duam të propozojmë që të bëhet indeksim i çmimeve me dekret ministror – shpjegon inxhinieri Valentin Nikollov. - Në të njëjtën kohë, duhet të fillohet një punë serioze si nga komuniteti i ekspertëve, ashtu edhe nga ekzekutivi dhe më pas nga legjislativi për zhvillimin e një mekanizmi gjithëpërfshirës të punës - ndryshime në shumë ligje dhe rregullore në mënyrë që të mund të shkojmë drejt modelit të Evropës Perëndimore. Ne duhet të shkojmë së bashku, kjo është fjala kyçe, duke balancuar interesat e të gjithë pjesëmarrësve në proces”.

Nuk është e vërtetë se norma e fitimit në industrinë e ndërtimit është mjaft e lartë, thotë inxhinieri Valentin Nikollov.

Norma e fitimit në Bullgari është normale – krijohet një përshtypje e rreme se është shumë e madhe. Ajo është e ndryshme në sektorët e ndryshëm të ndërtimit, sepse secili i ka specifikat e veta dhe kjo merret parasysh në Evropën Perëndimore. Për shembull, në Luksemburg, rritja e inflacionit deri në 2% përballohet nga kontraktori. Dhe kur një kolaps i tillë i tregut ndodh në një periudhë të shkurtër kohore, atëherë në sektorët e veçantë - ndërtimi i lartë, ndërtimi i rrugëve, ndërtimet elektrike, hidraulike, etj., çmimi i produktit të ndërtimit rregullohet me një përqindje të ndryshme."

Në Bullgari është më e vështirë në ndërtimtarinë e lartë, sepse ajo përfshin pothuajse të gjithë elementët e sektorëve të tjerë, vuri në dukje inxhinieri Nikollov.

Përpiloi: Diana Cankova /në bazë të intervistës së BNR “Hristo Botev”/

Përgatiti në shqip: Vesella Mançeva

Foto: Ani Petrova, BGNES

Më shumë nga rubrika

Serrat bullgare kërkojnë ndihmë urgjente nga shteti

Mbi 70% prej serave bullgare ngrohen me gaz dhe aktualisht industria është në kolaps - që nga nëntori serat janë duke u mbyllur në masë dhe produktet e huaja po pushtojnë tregun në supermarketet e mëdhenj.Në këtë moment nuk kemi perime bullgare në..

botuar më 22-01-13 7.15.PD

Biznesi – i pakënaqur për kompensimin për rrymën e shtrenjtë elektrike, qytetarët – të mbrojtur me një moratorium

Energjia elektrike në tregun e lirë u rrit disa herë gjatë muajve të fundit. Nga fillimi i vitit 2022, çmimi mesatar i energjisë elektrike në Bullgari është 131.95 euro për një megavat orë kundrejt 95 eurove në korrik të vitit të kaluar, por..

botuar më 22-01-11 9.12.PD

Kriptovalutat – bileta e shtrenjtë për lirinë nga rregullimi financiar

A ëndërroni të keni një pasuri solide, por të jeni të pavarur nga institucionet financiare bankare dhe jo bankare? Nëse e njihni mjaft mirë tregun e kriptovalutave, ky është një objektiv plotësisht i arritshëm. Tregtia me ta kryhet tërësisht..

botuar më 22-01-10 7.15.PD
Подкасти от БНР