Në fund të muajit tetor në kuadrin e festivalit më të vjetër të filmit dokumentar DOK Leipzig u zhvillua premiera botërore e filmit dokumentar bullgar "Makinat me të cilat pushtuam kapitalizmin"të tandemit krijues Georgi Bogdanov dhe Boris Misirkov. Tani, vështrimi artistik mbi automobilat socialiste nga e kaluara, pronarët e tyre sot dhe të ardhmen e ëndërruar për ta ka vazhdimin e vet tematik me një ekspozitë-instalim në Bratislavë.
“Nëpër gjurmët e së kaluarës së lavdishme” është një nga tre ekspozitat bazë fotografike në kuadrin e Muajit të fotografisë sivjet në kryeqytetin sllovak. Ajo është e vendosur në katër salla të mëdha të pallatit “Pistori” /Pisztory Palace/, të cilët të dy artistët e kanë kthyer në katër kapituj të veçantë të një tregimi statik të filmit.
Ekspozita përbën portrete të 15 pronarëve të automobilave retro, të cilët Bogdanov dhe Misirkov i “kanë shpënë” në vendin e dashur prej tyre. Të dy fotografët i përcaktojnë dhe ekspozitën dhe filmin si një lloj studimi për këtë se cila është trashëgimia, të cilën e mbajmë nga socializmi dhe nëse ka nostalgji në shtetet e ndryshme evropiane për të. Prandaj dhe protagonistët e tyre janë të fotografuar në Norvegji, Rusi, Çeki, Gjermani dhe Bullgari.
Ekspozita “Nëpër gjurmët e së kaluarës së lavdishme” mund të shikohet deri më 30 nëntor në pallatin “Pistori” në Bratislavë, kurse ëndrra e dy fotografëve është të gjejnë një vend të madh të përshtatshëm që të mund ta tregojnë mot dhe përpara publikut vendas.
Përpiloi: Vesella Krësteva
Përgatiti në shqip: Nataniela Vasileva
Foto: Facebook /Agitprop
Sot me një ceremoni festive Unioni i Përkthyesve në Bullgari festoi 50 vjetorin e themelimit. Organizata u krijua më 5 qershor 1974 nga 246 persona - profesorë universitarë, poetë, shkrimtarë dhe përkthyes të njohur gjerësisht. Mes tyre ishin edhe..
Gazetari teatror gjerman Diter Top propozoi shfaqjen "Haga" nga Galin Stoev për një çmim nga Forumi Kulturor Evropë për arritje në fushën e kulturës. Këtë e njoftojnë nga ekipi i Festivalit Ndërkombëtar të Teatrit “Vera e Varnës”. Pjesa u shfaq në..
Arti ka ekzistuar gjithmonë si një formë e të shprehurit përmes të cilit mund të shpalosim botën tonë të brendshme. Këtë ka bërë edhe artistja me origjinë bullgare Enxhi Tufa, e cila përmes ekspozitës së saj “Ëndërr mes fjalësh” ka shprehur vetveten,..