Bullgaria do të punojë shumë për të ndërtuar katër ura të reja mbi Danubin dhe për të përmirësuar kapacitetin e urës Asparuhov në Varna. Këtë e tha për gazetën “24 Çasa” Ministri i ri i Transportit, Nikollaj Sëbev. Tashmë u zhvilluan takime me ministrin rajonal për nisjen e studimeve gjeologjike për urat e reja.

Një prioritet tjetër do të jetë lidhja e Bullgarisë Veriore me Bullgarinë Jugore. Prandaj, do të vazhdojë puna për ndërtimin e tuneleve nën grykave Petrohan dhe Shipka, si dhe të një tuneli të tretë nën malin Stara Pllanina në Bullgarinë Lindore, shtoi Sëbev.

Do të punohet edhe për përshpejtimin e lëvizjes së trenave. Deri në vitin 2030, korridoret hekurudhore me shpejtësi të lartë Ruse - Svilengrad dhe Vidin - Kullata duhet të jenë gati.