Bullgaria eksporton vaj trëndafili, livande, balç, barbarozë, kamomil, të cilët kanë çmimet më të larta në tregjet ndërkombëtare. Ato janë standardi me të cilin udhëhiqen të gjitha vajrat e tjera esenciale të prodhuara nga konkurrentët bullgarë. Këtë e tha për BNR Hristo Botev, Gergana Andreeva, drejtoreshë ekzekutive e Shoqatës Kombëtare Bullgare të Vajrave Esenciale, Parfumerisë dhe Kozmetikës. Sipas saj, 96.6 për qind e sektorit është i orientuar drejt eksportit. Hristo Nikollov nga Shoqata Kombëtare e Prodhuesve të Trëndafilit theksoi se viti 2021 ishte i vështirë për sektorin për shkak të komplikimeve me tregjet dhe mbiprodhimit, i cili në vendin tonë vërehet prej 3-4 vitesh. Megjithatë, pavarësisht problemeve, vendi ynë arrin të ruajë pozicionin e tij drejtues.