Në Muzeun Historik Kombëtar në Sofje më 22 shkurt do të ekspozohet një parzmore trakase e praruar jashtëzakonisht e vlefshme nga gjysma e dytë e shekullit të 4 para Krishtit. Parzmorja na jep mundësinë që të shikojmë me sytë tona shkëlqimin e ushtarëve nga lashtësia nëpër tokat tona dhe është një shembull i mrekullueshëm i armatimit të paradës trake. Mirëpo, mënyra e punimit tregon se përveç paradës, parzmorja ka pasur edhe një funksion thjesht mbrojtës.
Artefakti i paçmuar u zbulua në vitin 1995, nga një ekip i Doktorit Georgi Kitov dhe Gavril Llazov gjatë një studimi të “Tumulit Cvjatkova” në bashkinë e qytetit Kazanllëk, së bashku me maja të shumta të shigjetave, skeletin e një kali dhe aplikime të shumta të parzmoreve të kuajve. Supozohet se, parzmorja është një pjesë e dhuratave të një kalorësi të varrosur.
Gjatë vitit 2020 një ekip nga Muzeu Historik Kombëtar nën drejtimin e Pavlina Devllova bëri rikrijimin grafik dhe rekonstruksionin ideor të artefaktit.
Përpiloi: Veneta Nikollova
Përgatiti në shqip: Nataniela Vasileva
Foto: Muzeu Historik Kombëtar
Sot mbushen saktësisht 20 vjet që kur Bullgaria u bë anëtare e plotë e NATO-s. Dhe nëse vendimi do të merrej sërish sot, 56% e bullgarëve do të votonin që vendi ynë të mbetet anëtar i Aleancës, ndërsa 28% janë të mendimit se duhet të jetë jashtë paktit...
26 Marsi është Dita e Trakisë – kështu data është e regjistruar në kalendarin zyrtar bullgar në vitin 2006, por festohej disa dekada më parë. Në këtë datë të vitit 1913, ushtria bullgare pushtoi Kështjellën e Edrenesë të konsideruar në atë kohë "të..
Ikja nga vendlindja dhe toka amtare dhe udhëtimi i gjatë përmes të huajës dhe të panjohurës - fati i të gjithë refugjatëve është i ngjashëm ndër vite, dhe arsyet janë gjithmonë të njëjta. Njerëzit dëbohen për shkak të luftës ose besimeve fetare, për shkak..