Dy kamionë të Kryqit të Kuq Bullgar - pjesë e konvojit humanitar të shtetit bullgar, nisen për në Ukrainë më 1 mars.

Kryqi i Kuq Bullgar falënderoi qindra donatorët individualë dhe korporativë që u përgjigjën në mbështetje të viktimave të luftës në Ukrainë dhe tha se fushata për mbledhjen e donacioneve materiale po vazhdon. Kushdo që dëshiron të përfshihet mund ta bëjë këtë në strukturat rajonale të Kryqit të Kuq Bullgar, si dhe në selinë e organizatës në Sofje.

Në kuadër të Fushatës Kombëtare Bamirëse të Kryqit të Kuq Bullgar tashmë ka një numër të posaçëm /1466/ për të gjithë operatorët celularë. Kushdo që dëshiron të mbështesë fushatën mund të dërgojë një mesazh dhe të dhurojë 1 lev bullgar për viktimat e konfliktit në Ukrainë.