Ditën e martë, më 1 mars, Këshilli i Mediave Elektronike mori vendim për kufizimin e përkohshëm të transmetimit të informacionit të Russia Today dhe Sputnik në territorin e vendit tonë. Në arsyet e vendimit shënohet shkelja e rëndë të ligjit ndërkombëtar nga Federata Ruse dhe cenimi i integritetit territorial nëpërmjet ndërhyrjes ushtarake kundër Ukrainës, si dhe masat kufizuese të marra brenda BE-së në përgjigje të krizës. Këshilli i Mediave Elektronike e justifikon vendimin edhe me ndalimin në Ligjin për Radion dhe Televizionin të provokimit të dhunës ose urrejtjes nëpërmjet mediave. Vendimi i është dërguar Komisionit Rregullativ të Komunikimeve, i cili duhet të marrë masa.