Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Po diskutohen masa për mbështetjen e turizmit bullgar në kohë lufte

Foto: photo.unian.info

Në kontekstin e valës së refugjatëve dhe tre viteve të vështira lidhur me pasojat e pandemisë dhe me luftën në Ukrainë, shteti bullgar po diskuton në mënyrë aktive masat për mbështetjen e turizmit në muajt e ardhshëm.

Sipas të dhënave të cituara nga ministri i turizmit Hristo Prodanov, rreth 350-400 mijë turistë të organizuar nga Rusia nuk do të vijnë në Bullgari. Në këtë lidhje, agjencia jonë e turizmit synon t'i ridrejtojë fondet e parashikuara për reklamë në tregjet e Ukrainës dhe të Rusisë në vendet fqinje - Maqedonia e Veriut, Rumania dhe Serbia. Aktualisht po shqyrtohen dhe mënyrat për tërheqjen e turistëve nga Gjermania dhe vendet e tjera, që do të kompensojë humbjen e atyre që u gjendën në situatë lufte.


Në lidhje me valën paprecedentë të refugjatëve që përfshiu dhe Bullgarinë, kryetari i Komisionit të Turizmit pranë Kuvendit Popullor doktori Ilin Dimitrov tha se qytetarët ukrainas në vendin tonë do të marrin status sipas procedurës së përshpejtuar deri në një muaj për të qëndruar dhe punuar në vendin tonë. Kurse hotelierët që i strehojnë refugjatët ukrainas në bazat e tyre do të marrin ndihmë shtetërore prej 40 levave /rreth 20 euro/ për një refugjat në ditë qëndrimi. Qëllimi është që Bullgaria të mund tu ndihmojë njerëzve më të pambrojtur që ikin nga lufta, duke i mbuluar shpenzimet e tyre për ushqim dhe strehim, dhe jo ndokush të fitojë, meqenëse kjo është një çështje morale, nënvizuan pjesëmarrësit në mbledhjen e rregullt para dy ditësh të Komisionit të Turizmit pranë Kuvendit Popullor. Por, që të shmangen shpërdorime eventuale me ndihmat, është e domosdoshme që refugjatët të jenë të regjistruar tek ne.

Nga ana e tij, shteti do të ndjekë në mënyrë të përpiktë për harxhimin ekonomik dhe transparent të parave të taksapaguesve bullgarë dhe evropianë.

Përpiloi: Veneta Nikollova

Përgatiti në shqip: Nataniela Vasileva

Foto: photo.unian.info




Последвайте ни и в Google News Showcase, за да научите най-важното от деня!

Më shumë nga rubrika

Udhëto ngadalë, pusho aktivisht apo se si turizmi rural në vendin tonë hyri në një fazë të re

Turizmi rural po bëhet një formë e preferuar rekreacioni, veçanërisht ndër familjet dhe të rinjtë që zgjedhin një mënyrë jetese miqësore me mjedisin dhe duan të minimizojnë gjurmën e tyre të karbonit. Dhe nëse disa vite më parë një pushim në fshat..

botuar më 24-09-23 9.25.PD
Pallati Kombëtar i Kulturës

Një qendër teknologjike kozmopolite dhe një nga qytetet më të gjallëruara evropiane – edhe Vogue vlerësoi hijeshitë e Sofjes

Sofja doli sërish në qendër të vëmendjes. Një artikull i gjerë i revistës Vogue hedh dritë mbi zhvillimin dinamik dhe hijeshinë unike të kryeqytetit bullgar, duke e quajtur atë "qyteti më i gjallëruar në Evropë për momentin". Kryeqyteti bullgar..

botuar më 24-09-17 7.05.PD
Foto: Facebook / IV Festa e Balonave - Bellogradçik 2024

Bellogradçik ju fton në një Festë Balonash nga 20 shtatori

Për të katërtin vit, një nga vendet më të bukura për të fluturuar në botë – Shkëmbinjtë e Bellogradçikut , do të presë Festën e Balonave. Pilotë nga vende të ndryshme evropiane do të marrin pjesë me balonat e tyre në eventin, i cili do të..

botuar më 24-09-14 3.25.MD