Nën patronazhin e Zonjës së Parë të Ukrainës, Olena Zelenska, filloi një iniciativë bullgaro-ukrainase e titulluar “Dhuro libër për një fëmijë ukrainas”. “Ne duam që fëmijët që janë larg shtëpisë të lexojnë në gjuhën e tyre amtare”, tha për BNR Desisllava Aleksieva, kryetare e Fondacionit “Librat dhe Fëmijët”. Fondacioni ka shpërndarë tashmë 2500 libra për fëmijët ukrainas dhe planifikon të shtypë 17 000 të tjerë të siguruar nga botues ukrainas. Librat do t’u dhurohen fëmijëve në Sofje, Varna, Burgas, Plovdiv dhe qytete të tjera, si dhe për bibliotekat rajonale për të krijuar rafte librash në ukrainas. Sipas të dhënave zyrtare, në Bullgari ka mbi 25 000 fëmijë ukrainas.