Partia Socialiste Bullgare /BSP/ nuk do të dërgojë përfaqësues në delegacionin e Kryeministrit Kirill Petkov, i cili nesër do të vizitojë Kievin, ka vendosur Byroja Ekzekutive e BSP-së. Udhëheqja e partisë e arsyetoi qëndrimin e saj me faktin se ka informacion të mjaftueshëm për situatën në Ukrainë dhe pasojat e luftës. BSP përsëriti kundërshtimin e saj ndaj dërgimit të ndihmës ushtarake "të tilla si municione dhe armë vdekjeprurëse", por përkrahu sigurimin e pajisjeve mbrojtëse, ushqimit, ilaçeve dhe furnizimeve mjekësore. "Ne presim që vendimi për mbështetjen e plotë për Ukrainën të merret në Sofje pas konsultimeve midis partnerëve të koalicionit, duke е mbyllur në këtë mënyrë çështjen dhe qeveria të përqendrohet në kapërcimin e çështjeve të tjera prioritare si inflacioni, të ardhurat, rritja ekonomike, politika sociale," thuhet në pozitën e BSP-së.