Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Rumen Radev dhe Ilijana Jotova respektuan kujtesën e të vrarëve në Luftën e Dytë Botërore dhe shënuan Ditën e Evropës

Foto: BGNES

Në lidhje me përvjetorin e 77-të nga fitorja mbi nazizmin dhe në shenje respekti ndaj të gjithë Bullgarëve të vdekur në Luftën e Dytë Botërore, Presidenti Rumen Radev dhe Nënpresidentja Ilijana Jotova vendosën lule para Monumentit të Ushtarit të Panjohur në Sofje. “Sot është një ditë nderimi për pak veteranët bullgarë të mbijetuar Luftën e Dytë Botërore, për mijëra bullgarët që morën pjesë në të dhe për mijëra viktimat tona që kontribuuan me jetën e tyre për Evropën e Bashkuar në të cilën jetojmë sot”, tha kreu i shtetit. Pas ceremonisë Rumen Radev dhe Ilijana Jotova asistuan në ritin e ngritjes së flamurit të Bashkimit Evropian para Presidencës për të shënuar Ditën e Evropës. Presidenti Radev pranoi rojës nderi të Gardës Kombëtare.

Duke iu përgjigjur një pyetjeje gazetareske para Monumentit të Ushtarit të Panjohur, Rumen Radev tha se është jashtëzakonisht e pavend dhe e pashëndetshme t’i jepen Bullgarisë ultimatume për anëtarësimin e Republikës së Maqedonisë së Veriut. Radev theksoi se presioni i jashtëm ndaj Bullgarisë “mund të frenohet kur ka qëndrime të qarta dhe ato marrin parasysh jo vetëm interesin bullgar por edhe të vërtetën". Kreu i shtetit kujtoi se kjo është një shkelje e të drejtave të njeriut, një shkelje e kritereve të Kopenhagës, një gjuhë urrejtjeje që është e papajtueshme me parimet dhe vlerat evropiane.

Në lidhje me krizën energjetike, Rumen Radev theksoi se varësia e Bullgarisë nga gazi dhe nafta ruse është e madhe, pasi nuk është arritur diversifikimi ndër vite dhe tani duhet të kërkohen zgjidhje në interes të Bullgarisë. “Ndryshe nga vendet e tjera të BE-së, bullgarët janë më të varfëritë dhe më të varfëritë në energji dhe kjo duhet të merret parasysh.” Nëse kjo nuk arrihet, sipas presidentit, vendi ynë rrezikohet nga një krizë e rëndë ekonomike dhe sociale, me të gjitha pasojat, edhe për ata që janë aktualisht në pushtet.

Sa i përket temës së zgjedhjeve të parakohshme, Radev komentoi se kjo është zgjidhja e fundit, por mbi të gjitha duhet të jetë interesi bullgar. “Unë pres që qeveria të ketë një ide shumë të qartë se si jetojnë bullgarët dhe çfarë duan dhe të dëgjojë zërin e tyre”, komentoi kreu i shtetit.




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 15 prillin

Të martën në vend do të mbizotërojë mot i vranët dhe vende-vende do të ketë reshje shiu, kryesisht në Bullgarinë Perëndimore. Do të fryjë erë e dobët lindore-juglindore, në Bullgarinë Lindore - erë mesatare. Temperaturat minimale do të lëvizin..

botuar më 25-04-14 7.40.MD

Ahmed Dogan pranoi probleme serioze në organin kolektiv të DPS-së

"Vitet e fundit, organi kolektiv i Lëvizjes për të Drejtat dhe Liritë (DPS) (Aleanca për të Drejtat dhe Liritë – APS – shënim redaktori) ka probleme serioze - si një mënyrë kolektive jetese, si një mënyrë për të marrë vendime, si një marrëdhënie me..

botuar më 25-04-14 6.38.MD
Borisllav Gucanov

Ministri social: Rreth 24% e ekonomisë është në hije në vendin tonë

Bullgarët, dhe veçanërisht të rinjtë, duhet ta kuptojnë se është e detyrueshme të kenë kontrata pune për të mbrojtur të drejtat e tyre të punës. Këtë e deklaroi në Varna ministri i punës dhe politikës sociale Borisllav Gucanov. Ai vuri në dukje se gati..

botuar më 25-04-14 3.43.MD