Bullgarët etnikë nga Zaporozhieto në Ukrainë, të vendosur në qytetin Gorna Orjahovica të Bullgarisë Qendrore Veriore, i bëjnë thirrje qeverisë bullgare të zgjasë programin e ndihmës humanitare, i cili u siguron atyre një qëndrim në hotel, dhe nëse nuk ka më mundësi për të ndihmuar të gjithë refugjatët nga Ukraina, të bëhet një kompromis për bullgarët etnikë. Qeveria shpalli se programi do të përfundojë më 31 maj. Pas kësaj date, të interesuarit do të transferohen në bazat komunale dhe qendrat sociale. “Ne duam të punojmë dhe të integrohemi”, i thanë ata gazetares së BNR Zdravka Masljankova. Megjithatë, shqetësimi i tyre është se me rrogën që do të marrin nuk do të kenë mundësi të mbajnë fëmijët dhe të paguajnë qiranë e lirë. “Do të jetë e vështirë për refugjatët të kuptojnë se në një moment ata do të duhet të fillojnë jetën e tyre në Bullgari”, komentoi zëvendësguvernatorja e qytetit Veliko Tërnovo, Sonja Budeva.

• Masa për akomodimin e refugjatëve ukrainas përfundon në fund të majit