40 vende, duke përfshirë Bullgarinë, mbështetën kërkesën e Ukrainës në Gjykatën Ndërkombëtare të Drejtësisë në Hagë për të filluar procedimin penal kundër Federatës Ruse, thuhet në një deklaratë të përbashkët të vendeve kërkuese. Në padinë theksohet se Rusia ka shkelur ligjin ndërkombëtar duke zhvilluar një luftë të pajustifikuar kundër Ukrainës dhe duke kryer gjenocid kundër popullit ukrainas.

Sekretari amerikan i Shtetit, Anthony Blinken akuzoi Rusinë se deportoi ilegalisht deri në 1.6 milionë civilë ukrainas në kufijtë e saj lindorë, ku po i ndalon me forcë me dokumente të konfiskuara. Më shumë se 260 000 fëmijë janë në mesin e të rrëmbyerve, njoftoi faqja ukrainase e “Radios Liria”. Blinken i bëri thirrje Moskës që t’i japë fund dëbimit të detyruar, i cili shkel Konventat e Gjenevës për Trajtimin e Popullsisë Civile në Kohë Lufte.

Komisioni Evropian u bëri thirrje vendeve të BE-së që t’u ofrojnë familjeve dhe kompanive stimuj financiarë për të reduktuar kërkimin dhe konsumin e gazit, si pjesë e masave për të frenuar përdorimin përpara dimrit, njoftoi "Financial Times". Vendet që rinovojnë termocentralet me qymyr për të kompensuar furnizimet e kufizuara të gazit rus mund të përjashtohen nga kuotat e emetimeve. Komisioni propozon gjithashtu që shtetet anëtare të kufizojnë ngrohjen në ndërtesat publike në 19 gradë Celsius.