U krijua një shtab ndërinstitucional i krizës për sektorin e energjisë me detyrë “të propozojë zgjidhje për të kontrolluar kaosin dhe shkatërrimin në sektor”, për të kërkuar sigurinë e furnizimeve dhe parashikueshmërinë e çmimeve të gazit. Ai do të duhet të propozojë mekanizma për të kontrolluar dhe ulur çmimet e karburanteve dhe energjisë elektrike. Këtë e njoftuan në një konferencë për shtypin Kryeministri në detyrë Gëllëb Donev dhe Ministri në detyrë i Energjetikës Rosen Hristov.

Hristov e caktoi situatën në sektorin energjetik bullgar si kritike. Ai theksoi se sasi të gazit janë të siguruara deri në fund të shtatorit, por jo deri në fund të vitit. 7 cisternat me gaz të lëngshëm nga SHBA nuk janë të kontraktuara në fakt, por janë në nivel oferte. Impiantet për shkarkimin e cisternave në terminalet e gazit gjithashtu nuk janë të siguruara, gjë që do të rrisë më tej çmimin. Çmimi i gazit nga Azerbajxhani është gjithashtu disa herë më i lartë. Kompania “Bullgargaz” është në krizë financiare dhe nuk mund të paguajë, edhe me sasitë e dakorduara.